Last updated on May 6th, 2025 at 07:48 am
ಒಡಿಪು: ಪರಿಶಿಷ್ಟ ಜಾತಿದ ಉಲಯಿ ಇಂಟರ್ನಲ್ ರಿಸರ್ವೇಶನ್‌ದ ಬಗೆಟ್ ನ್ಯಾ| ಎಚ್.ಎನ್. ನಾಗಮೋಹನ್ ದಾಸ್ ಏಕ ಸದಸ್ಯ ವಿಚಾರಣ ಆಯೋಗರ್ದ್ ಪರಿಶಿಷ್ಟ ಜಾತಿಲೆನ ಬೇತೆ ಬೇತೆ ಅಂಶೊಲೆನ ಬಗೆಟ್ ಒಲವು ಒಟ್ಟು ಮಲ್ಪೆರ ಮೇ 5ರ್ದ್ ಜಿಲ್ಲೆಡ್ ಪರಿಶಿಷ್ಟ ಜಾತಿಲೆನ ಸಮೀಕ್ಷೆ ನಡತೊಂದುಂಡು.
ಮೂಜಿ ಹಂತೊಡು ಸಮೀಕ್ಷೆ ನಡಪರೆಗಿತ್ತ್‌ದ್, ಪರಿಶಿಷ್ಟ ಜಾತಿದಕಲೆನ ಇಲ್ಲಗ್ ಮಾತ್ರ ಪೋದು ಒಲವು ಗೆತೊನುವೆರ್. ಮೇ 5ರ್ದ್ 17 ಮುಟ್ಟ ಇಲ್ಲ್ ಇಲ್ಲ್ ಸಮೀಕ್ಷೆ, ಮೇ 19 ರ್ದ್ 21ರ ಮುಟ್ಟ ಅಲ್ಪಲ್ನ ಕ್ಯಾಂಪ್ ಮಲ್ತ್‌ದ್ ದಾಖಲೀಕರಣ ಬೊಕ್ಕ ಮೂಜನೇ ಹಂತೊಡು ಆನ್‌ಲೈನ್‌ಡ್ ಎಂಟ್ರಿ ಬೇಲೆ ನಡಪುಂಡು. 2011ತ ಸಮೀಕ್ಷೆದ ಪ್ರಕಾರ ಜಿಲ್ಲೆಡ್ 75 ಸಾವಿರ ಪ.ಜಾತಿ ಜನಸಂಖ್ಯೆ ಇತ್ತ್‌ದ್, ಗೊತ್ತು ಮಲ್ದಿನ ದಿನೊತುಲಯಿ ಸಮೀಕ್ಷೆ ಮುಗಿಪೆರ ಯೋಜನೆ ಪಾಡೊಂದೆರ್.
ಜಿಲ್ಲೆದ ಮಾಸ್ಟ‌ರ್ ಟ್ರೈನರ್‌ನಕುಲೆರ್ದ್ 35 ತಾಲೂಕ್ ಮಟ್ಟೊದ ಟ್ರೈನರ್‌ಲೆಗ್ ತರಬೇತಿ ಕೊರ್ಪಾದೆರ್.
1112 ಶಿಕ್ಷಕೆರ್ ಅಂಚೆನೇ 112 ಮೇಲ್ವಿಚಾರಕೆರ್ ಈ ಸಮೀಕ್ಷೆದ ಬೇಲೆಡ್ ಪಾಲ್ ಪಡೆಪೆರ್. ಸಮೀಕ್ಷೆದ ಬಗೆತ ಒಲವುಗು 9480843046, ಸಹಾಯವಾಣಿಗ್ ಕಾಲ್ ಮಲ್ಪೊಲಿ ಪನ್ದ್ ಜಿಲ್ಲಾಧಿಕಾರಿ ಡಾ| ಕೆ. ವಿದ್ಯಾಕುಮಾರಿ ತೆರಿಪಾದೆರ್.
ಆಧಾರ್ ಕಾರ್ಡ್ ಅತ್ತ್ಂಡ ರೇಷನ್ ಕಾರ್ಡ್ ಸೇರ್ದ್ ಅವ್ವಾಂಡಲಾ ಒಂಜಿ ದಾಖಲೆ ಕೊಲೊಡು.