Last updated on May 26th, 2025 at 11:39 am
ಬೆಂಗಳೂರು, ಮೇ 25: ಕರಿನ ವಿಧಾನಸಭಾ ಅಧಿವೇಶನೊಡು ಗಲಾಟೆ ಮಲ್ತಿನೆಕ್ ಸಸ್ಪೆಂಡ್ ಆದಿತ್ತಿನ ಬಿಜೆಪಿದ 18 ಶಾಸಕೆರೆ ಸಸ್ಪೆಂಶನ್‌ನ್ ವಾಪಾಸ್ ಗೆತೊಂದೆರ್. ಸ್ಪೀಕರ್ ಯುಟಿ ಖಾದರ್‌ರೆನ ಮುತಾಲಿಕೆಡ್ ನಡತಿನ ಪಂಚಾದಿಗೆಡ್ ಈ ಮಲ್ಲ ನಿರ್ಧಾರ ಗೆತೊಂದೆರ್.
ಬಿಜೆಪಿದ 18 ಶಾಸಕೆರೆನ ಸಸ್ಪೆಂಶನ್ ಪಿರಗೆತೊನುನ ವಿಚಾರೊಡು ಸ್ಪೀಕರ್ ಯು.ಟಿ.ಖಾದರ್ ಮುತಾಲಿಕೆಡ್ ನಡತಿನ ಪಂಚಾತಿಗೆಡ್ ಡೆಪ್ಯುಟಿ ಸ್ಪೀಕರ್ ರುದ್ರಪ್ಪ ಲಮಾಣಿ, ಮುಖ್ಯಮಂತ್ರಿ ಸಿದ್ದರಾಮಯ್ಯೆ, ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್, ವಿಪಕ್ಷ ನಾಯಕೆ ಆರ್. ಅಶೋಕ್, ಕಾನೂನು ಸಚಿವೆ ಹೆಚ್.ಕೆ.ಪಾಟೀಲ್ ಪಾಲ್‌ಗೆತೊಂದಿತ್ತೆರ್. ಪಕಚಾದಿಗೆಡ್ ಬಿಜೆಪಿದ 18 ಶಾಸಕೆರೆನ ಸಸ್ಪೆಂಶನ್ ಆದೇಶೊನು ಪಿರಗೆತೊನುನು ಪನ್ದ್ ತೀರ್ಮಾನ ಮಲ್ದೆರ್.
ಹನಿಟ್ರ್ಯಾಪ್ ಬೊಕ್ಕ ಮುಸ್ಲಿಮೆರೆಗ್ ಶೇ. 4ತಾತ್ ರಿಸರ್ವೇಶನ್ ವಿಚಾರೊಡು ವಿಧಾನಸಭೆಕ್ ಚರ್ಚೆ ಅಪಿನ ಪೊರ್ತುಡೂ ಭಾರೀ ಗಲಾಟೆ ಆದಿತ್ತ್ಂಡ್. ಆ ಪೊರ್ತುಡು ಬಿಜೆಪಿ ಶಾಸಕೆರ್ ಸ್ಪೀಕರ್ ಯು.ಟಿ ಖಾದರ್‌ರೆನ ಮಿತ್ತ್ ಪೇಪರ್ ದಕ್ಕ್‌ದ್ ಆಕ್ರೋಶ ತೂಪಾದಿತ್ತೆರ್. ಈ ಮುಕೇನ ಪೀಠೊಗು ಅಗೌರವ ತೋಜಾಯಿನ ಆರೋಪಡ್ ಬಿಜೆಪಿದ 18 ಶಾಸಕೆರೆನ್ 6 ತಿಂಗೊಳು ಮುಟ್ಟ ಸಸ್ಪೆಂಡ್ ಮಲ್ತ್‌ದ್ ಖಾದರ್ ಆದೇಶ ಕೊರ್ದಿತ್ತೆರ್.