Last updated on May 26th, 2025 at 04:27 pm
ರಾಮಕುಂಜ, ಮೇ 26: ಇನಿ ಬಯ್ಯಡ್ ಬೀಜಿನ ರಣಗಾಳಿಗ್ ಉಬಾರ್-ಸುಬ್ರಹ್ಮಣ್ಯ ರಾಜ್ಯ ಪೆರ್ಸಾದಿ 113 ತ ಆತೂರು ಪಲ್ಲಿದ ಕೈತಲ್, ಸಾದಿದ ಆಮೆಯಿಕ್ ಇತ್ತಿನ ಪರ ನೇಲ್ಯ ಕುಕ್ಕುದ ಮರ ಒಂಜಿ ಅಡಿಮಗ್‌ರ್ದ್ ಅಲ್ಪನೇ ಉಂತಾದಿತ್ತಿನ ಮಾರುತಿ 800 ಕಾರ್‌ದ ಮಿತ್ತ್ ಬೂರ್ದ್ಂಡ್.
ಕಾರ್ ಬುಡೊಂದಿತ್ತಿನಾರ್ ಕುಕ್ಕು ಪೆಜ್ಜೆರೆ ಕಾರ್ ಉಂತಾದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಮರ ಬೂರ್ನಗ ಕಾರ್‌ಡ್ ಏರ್ಲಾ ಇಜ್ಜಂಡ್, ಮರ ಬೂರುನೆನ್ ತೂದು ಕುಕ್ಕು ಪೆಜ್ಜೆರೆ ಪೋತಿನ ಕಾರ್‌ದಾರ್ ದೂರ ಬಲ್ತ್‌ದೆರ್‌ಗೆ. ಅಂಚಾದ್ ಏರೆಗ್ಲಾ ಪಡಾಯಿ ಆತಿಜಿ. ಮರ ಬೂರ್ದಿನೆರ್ದಾವದ ಕಾರ್ ಞಕ್ಕೆ ಆತ್ಂಡ್.
ಮುಟ್ಟದಕುಲು ಮಾತಾ ಸೇರೊಂದು ಸಾದಿಗ್ ಬೂರ್ದಿನ ಮರನ್ ದೆತ್ತೊಂದುಲ್ಲೆರ್.
ಪೆರ್ಸಾದಿಗೇ ಬೂರ್ದಿನೆರ್ದಾವರ ಒಂತೆ ಪೊರ್ತು ಗಾಡಿಲು ಪೋಪುನೆಕ್ ಉಪದ್ರ ಆದಿತ್ತ್ಂಡ್. ಮುಟ್ಟದ ಜವನೆರ್ ಸೇರೊಂದು ಸಾದಿಗ್ ಬೂರ್ದಿನ ಮರನ್ ದೆಪ್ಪುನೆತೊಟ್ಟುಗು, ಟ್ರಾಫಿಕ್ ಕಂಟ್ರೋಲ್‌ಗ್ ಜತ್ತ್‌ದ್ ಸಂಚಾರ ವ್ಯವಸ್ಥೆಗ್ ಉಪದ್ರ ಆವಂದಿಲೆಕ ತೂವೊಂದೆರ್.