ಪುತ್ತೂರು: ಪೆರ್ನಾಜೆ, ಆನೆಗುಂಡಿಡೆ ತೂಯೆರ ತಿಕ್ಕಿಯ ಕಾಡಾನೆಲು

Last updated on May 21st, 2025 at 09:42 am

ಪುತ್ತೂರು: ಪೆರ್ನಾಜೆದ ಆನೆಗುಂಡಿ ದವೆಟೆ ಕಾಡಾನೆಲು ಪೋವೊಂದುಪ್ಪುನ ದೃಶ್ಯ ಸಿಸಿ ಕ್ಯಾಮರಾಡ್ ಕೈದಾದಿತ್ತ್‌ದ್, ಮುಟ್ಟದ ಜನೊಕುಲೆಗ್ ಪೋಡಿಗೆ ಕುಲ್ಲುದುಂಡು.

ಮಾಣಿ ಮೈಸೂರು ರಾಷ್ಟ್ರೀಯ ಪೆರ್ಸಾದಿದ ಗುಡ್ಡಡ್ಕಡ್ ಮೇ ದಾನಿ ರಾತ್ರೆ 9.30ಕ್ ರಡ್ಡ್ ಕಾಡಾನೆಲು ತೋಜಿದಿತ್ತ್‌ದ್, ಆನೆಲು ಪೋಪುನ ದೃಶ್ಯ ಒಂಜಿ ಇಲ್ಲದ ಸಿಸಿಟಿವಿ ಕ್ಯಾಮರಾಡ್ ಕೈದಾತ್ಂಡ್. ಪೆರ್ಸಾದಿದ ಬರಿಟೇ ಇಲ್ಲ್ ಇತ್ತ್‌ದ್, ಇಲ್ಲದ ಗೇಟ್‌ದ ಬರಿಟೆ ಆನೆ ಪೋದು ಸಾದಿ ಕಡಪೆರ ತೂತಿನ ದೃಶ್ಯ ಕೈದಾತ್ಂಡ್.

ಪೆರ್ನಾಜೆ, ಗುಡ್ಡಡ್ಕ ಪಸಂದ್ರೊಡು ಕಾಡಾನೆಲು ಅಪಗಪಗ ಬರೊಂದಿತ್ತ್‌ದ್ ಕೃಷಿ ತೋಟೊಲೆನ್ ಪೊಡಿ ಮಲ್ತೊಂದುಪ್ಪುವ. ಇದಮುಟ್ಟ ಒವ್ವೇ ಕಾರ್ಯಾಚರಣೆಗ್ಲಾ ಕಾಡಾನೆಲು ದೂರ ಪೋತಿಜ ಪನ್ದ್ ಮುಟ್ಟದಾರೇ ಆಯಿನ ಕೃಷ್ಣ ಮುರಾರಿ ಪನ್ಪೆರ್.