ಪಾಣೇರ್: ನೇತ್ರಾವತಿ ಸುದೆತ ರೈಲ್ವೆ ಸಂಕೊದ ಅಡಿಟ್ ಗುರ್ತ ದಾಂತಿನ ಪುನ ತಿಕ್ಕ್ಂಡ್

Last updated on May 3rd, 2025 at 08:01 am

ಬಂಟ್ವಾಳ, ಮೇ 03: ಪಾಣೇರ್ ರೈಲ್ವೆ ಸಂಕೊದ ಅಡಿಟ್ ನೇತ್ರಾವತಿ ಸುದೆಟ್ ಆಂಜೊವು ಒರಿಯನ ಪುನ ಬುಧವಾರ ಬಯ್ಯಡ್ ತಿಕ್ಕ್‌ದ್ಂಡ್.

ಸುಮಾರ್ 40-45 ವರ್ಸ ಪ್ರಾಯೊದ ಆಂಜೊವುನ ಪುನ ಉಂದಾದುಂಡು. ಈ ಬಗೆಟ್ ತಲಪಾಡಿ-ಪೊನ್ನೋಡಿ ನಿವಾಸಿ ಪ್ರಥಮ್ ಶೆಟ್ಟಿ ಪನ್ಪಿನಾರ್ ಪೊಲೀಸೆರೆಗ್ ಒಯಿಲ್ ಕೊರ್ದಿತ್ತ್‌ದ್, ಕುಡ್ಲಡ್ ಏ‌ರ್ ಕಂಡೀಷನ್ ಟೆಕ್ನಿಶಿಯನ್ ಆದುಪ್ಪುನ ಮೇರ್ ಬುಧವಾರ ಬೇಲೆಗ್ ರಜೆ ಇತ್ತಿನೆರ್ದಾವರ ಬಯ್ಯಡಯದ ಪೊರ್ತುಡು ಬಿ ಮೂಡ ಗ್ರಾಮೊದ ಕೈಕುಂಜೆ ರೈಲ್ವೆ ಪಟ್ಟೆದ ಸಂಕೊಡೆ ನಡತೊಂದು ನಂದಾವರಗ್ ಪೋವೊಂದುಪ್ಪುನಗ ನೇತ್ರಾವತಿ ಸುದೆತ ಕರೆಟ್ ನೀರ್‌ಡ್ ಪುನ ಪಾಂಬೊಂದುಪ್ಪುನ ತೂತೆರ್. ಸೈದಿನ ಆಂಜೊವುನ ಗುರ್ತ ತಿಕ್ಕ್‌ದಿಜಿ, ಈ ಬಗೆಟ್ ಪೋಲೀಸೆರೆಗ್ ಒಲವು ಕೊರ್ದು ಮೀಂದುನಕಲೆನ ಸಕಾಯೊಡು ಪುನೊನು ದೆತ್ತ್‌ದೆರ್. ಬಂಟ್ವಾಳ ನಗರ ಪೊಲೀಸ್ ಠಾಣೆ‌ಡ್ ಯುಡಿಆರ್ ಪ್ರಕರಣ ದಾಕಲಾತ್ಂಡ್.