Last updated on May 1st, 2025 at 01:27 pm
ಪುತ್ತೂರು, ಮೇ 01: ಬೋರ್‌ವೆಲ್‌ದ ಕರೆಂಟ್ ವಯರ್ ಕೊಲ್ತ್‌ದ್ ಕರೆಂಟ್ ಶಾಕ್ ಆಕ್‌ದ್ ಪೊಂಜೊವು ಒರ್ತಿ ತೀರ್ದಿನ ನಡಕೆ ಅರಿಯಡ್ಕ ಗ್ರಾಮೊದ ಬೇಂಗತ್ತಡ್ಕ ಪನ್ಪಿನಲ್ಪ ನಡತ್‌ದ್ಂಡ್.
ಅರಿಯಡ್ಕ ಗ್ರಾಮೊದ ಬೇಂಗತ್ತಡ್ಕ ನಿವಾಸಿ ದೇವಪ್ಪ ನಾಯ್ಕ ಮೆರೆನ ಬೊಡೆದಿ ಭಾಗೀರಥಿ (59) ತೀರ್ದಿನಾರ್. ಇಲ್ಲದ ಟೆರೇಸ್‌ದ ಮಿತ್ತ್ ಒಂಜಿ ಬರಿಟ್ ಬರ್ಸದ ನೀರ್ ಉಂತುದಿತ್ತ್ಂಡ್. ಭಾಗೀರಥಿ ಮೇರ್ ಟೆರೇಸ್‌ಗ್ ಪೋದು ಕ್ಲೀನ್ ಮಲ್ತೊಂದುಪ್ಪುನಗ ಇಲ್ಲದ ಬರಿಟೇ ಒಯ್ತ್‌ದಿತ್ತಿನ ಬೋರ್‌ವೆಲ್‌ದ ಕರೆಂಟ್ ವಯರ್‌ನ್ ತತ್ತ್‌ದ್ ಮುಟ್ಟುದೆರ್ ಪನ್ದ್ ಪೊಲೀಸ್ ಮೂಲೊಲು ತೆರಿಪಾದ. ಸಂಪ್ಯ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.