Last updated on June 7th, 2025 at 09:58 am
ನೆಲ್ಯಾಡಿ, ಜೂ 7: ಕುಡ್ಲ – ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ 75ತ ಬರ್ಚಿನಹಳ್ಳಿ ತಿರ್ಗೆಲ್‌ಡ್ ಇನಿ, ಸನಿಯಾರ ಕಾಂಡೆ ಬೆಂಗಳೂರುರ್ದ್ ಕುಡ್ಲಗ್ ಬರೊಂದಿತ್ತಿನ ಪ್ರೈವೇಟ್ ಬಸ್ ಒಂಜಿ ಡ್ರೈವರ್‌ನ ಅಂಕೆ ತತ್ತ್‌ದ್ ಸಾದಿ ಬರಿಕ್ ಕಬ್ಬೆ ಬೂರ್ದ್ಂಡ್. ಈ ನಡಕೆಡ್ 16 ಜನೊಕು ಗಡಿಕುಲಾತ.
ಈ ಬಸ್‌ಡ್ ಸುಮಾರ್ 30 ಜನ ಇತ್ತೆರ್. ಎಚ್ಚಿನಕುಲು ಬಕ್ರೀದ್‌ದ ಲೆಕ್ಕೊಡು ಊರುಗು ಬರೊಂದಿತ್ತೆರ್. ಪುಲ್ಯಡ್ ಮಾತಾ ಪ್ರಯಾಣಿಕೆರ್ ನಿದ್ರೆಡ್ ಇತ್ತಿನ ಪೊರ್ತುಡು, ಬರ್ಚಿನಹಳ್ಳಿಡ್ ಡ್ರೈವರ್‌ನ ಅಂಕೆ ತತ್ತ್‌ದ್ ಬಸ್ ಬಲತಮೆಯಿಕ್ ಬೂರ್ದ್ಂಡ್. ದೇಬೆರೆ ದಯೆಟ್ ಏರೆನಲಾ ಜೂವ ಪೋತಿಜಿ.
ನಡಕೆಡ್ ಗಡಿಕುಲಾತಿನಕಲೆನ್ ಫಹದ್ (20) ಬೆದ್ರ, ರಂಝೀನ್ (25) ಫರಂಗಿಪೇಟೆ, ಉಮ್ಮರ್ (53) ದೇರಳಕಟ್ಟೆ, ತಮೀನ್ (19) ಪುತ್ತೂರ್, ಇಷಾಮ್ (19) ಸಾಲ್ಮರ ಪುತ್ತೂರ್, ರುಕ್ಮಯ (24) ಉಬಾರ್, ಜಾಹಿರ್ (23) ಸಾಲೆತ್ತೂರು ಬಂಟ್ವಾಳ, ಶಮೀರ್ (28) ವಿಟ್ಲ, ಸೋಮಶೇಖರ (55) ದಾಸರಪುರ ಬೆಂಗಳೂರು, ಶರತ್ (35) ದಾಸರಪುರ ಬೆಂಗಳೂರು, ಡಾ. ಮಹಂತ್ ಗೌಡ (34) ನೆಲಮಂಗಲ ಬೆಂಗಳೂರು, ಸಿಮಾಕ್ (23), ಅಬ್ದುಲ್ ರಜೀದ್ (38) ಸಂಪ್ಯ ಪುತ್ತೂರ್, ಫೌಜಿಲ್ (23) ಕೈಕಂಬ ಬೆದ್ರ, ಅಲ್ತಾಫ್ (28) ಪನ್ದ್ ಗುರ್ತ ಪತ್ತ್‌ದೆರ್.
ಗಡಿಕುಲಾತಿನಕರೆನ್ ಸುಮಾರ್ 8 ಆ್ಯಂಬಲೆನ್ಸ್‌ಡ್ ಕುಡ್ಲ ಬೊಕ್ಕ ಪುತ್ತೂರುದ ಬೇತೆ ಬೇತೆ ಆಸ್ಪತ್ರೆಗ್ ಲೆತೊಂದು ಪೋತೆರ್. ನೆಲ್ಯಾಡಿ ಔಟ್‌ಸ್ಟೇಶನ್ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.