Last updated on June 8th, 2025 at 09:05 am
ಬಂಟ್ವಾಳ, ಜೂ. 08: ಕೈ ಕಾರ್ ದೆಕ್ಕುನ ಪೊರ್ತುಡು ಕೆರೆಕ್ ಬೂರ್ದ್ ಕಾಲೇಜ್ ವಿದ್ಯಾರ್ಥಿ ಒರಿ ತೀರ್ದಿನ ನಡಕೆ ಕೋಡೆ ಕಾರಿಂಜಡ್ ನಡತ್ದ್ಂಡ್. ವಗ್ಗ ಕಾರಿಂಜ ಕ್ರಾಸ್ ನಿವಾಸಿ ಶ್ರೀಧರ್ ಮೂಲ್ಯೆರೆನ ಮಗೆ ಚೇತನ್ ( 19) ತೀರ್ದಿನ ಆಣ್.
ಕಾರಿಂಜೇಶ್ವರ ದೇಲಂತಡೆದ ತಿರ್ತ್ ಇಪ್ಪುನ ಕೆದುಟ್ ಕಾರ್ ದೆಕ್ಕೆರೆ ಜತ್ತ್‌ದುಪ್ಪುನ ಪೊರ್ತುಡು ಆಯತತ್ತ್‌ದ್ ಬೂರ್ದು ಈ ನಡಕೆ ನಡತ್ದ್ಂಡ್. ಚೇತನ್ ಪ್ರತಿ ಸನಿಯಾರ ಕಾರಿಂಜ ದೆಲಂತಡೆಗ್ ಪೋದು ಕೈ ಮುಗಿದ್ ಬರ್ಪೆದೆ, ಅಂಚೆನೇ ಕೋಡೆ ದೋಸ್ತಿ ಪ್ರಶ್ವಿತ್‌ನ ಒಟ್ಟುಗು ದೇಲಂತಡೆಗ್ ಪೋತೆ. ಈ ಪೊರ್ತುಡು ಕಾರ್ ದೆಕ್ಕೆರೆ ಕೆದುತ ಮೊಟ್ಟು ಜತ್ತೊಂದುಪ್ಪುನಗ ಕಾರ್ ಜಾರ್ದ್ ಚೇತನ್ ಕೆದುತುಲಯಿ ಬೂರ್ದೆ.
ಒಟ್ಟುಗಿತ್ತಿನ ಪ್ರಶ್ವಿತ್‌ಗ್ ಮೀಂದೆರೆ ಬರಂದಿನೆರ್ದಾವರ ಆಯೆ ಮುಟ್ಟದಕ್ಲೆಗ್ ಪೋನ್ ಮಲ್ತ್‌ದೆ. ಅಪಗನೇ ಅಲ್ಪದಕುಲು ಮಾತ ಸೇರ್ದಿತ್ತ್‌ದ್, ಶ್ರವಣ್ ಜೈನ್ ಬೊಕ್ಕ ಉದಯ್ ಪನ್ಪಿನ ಇರ್ವೆರ್ ಕೆದುಕ್ ಲಾಗಿದ್, ನಾಡ್‌ದ್ ಚೇತನ್‌ನ್ ಕೆದುರ್ದ್ ಮಿತ್ತ್ ಕನತ್‌ದೆರ್. ಆಂಡ ಆ ಪೊರ್ತುಗಾನಗ ಚೇತನ್‌ನ ಜೂಶ ಪೋದಿತ್ತ್ಂಡ್. ಬಂಟ್ವಾಳ ಗ್ರಾಮಾಂತರ ಪೋಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.