ಬಂಟ್ವಾಳ: ಇಲ್ಲದ ಮಾಲಿಗೆಡ್ ಬೇಲೆ ಮಲ್ತೊಂದಿತ್ತಿನಪಗ ಬೂರ್ದ್ ಮೇಸ್ತ್ರಿ ತೀರ್ಯೆರ್

Last updated on June 5th, 2024 at 08:25 pm

ಬಂಟ್ವಾಳ: ಇಲ್ಲೊಂಜೆತ ಮಾಲಿಗೆದ ಮಿತ್ತ್ ಕಾಂಕ್ರೀಟ್ ಬೇಲೆ ಮಲ್ತೊಂದುಪ್ಪುನಗ ಆಯ ತತ್ತ್‌ದ್ ಬೂರ್ದ್ ಪೆಟ್ಟಾದಿತ್ತಿನ ಮೇಸ್ತ್ರಿಯೊರಿ ತೀರ್ದಿನ ನಡಕೆ ಬಂಟ್ವಾಳಡ್ ನಡತ್‌ದ್ಂಡ್. ಅಮ್ಟಾಡಿ ಗ್ರಾ.ಪಂ. ಸೀಮೆದ ತಡ್ಯಾಲ್ ನಿವಾಸಿ ಪ್ರಕಾಶ್ ( 45) ತೀರ್ದಿನಾರ್.

ಬಡಾಜೆ ಪನ್ಪಿನವುಲು ಒಂಜಿ ಇಲ್ಲದ ರಡ್ಡನೇ ಮಾಲಿಗೆಡ್ ಮೇರ್ ಸೇರ್ದ್ ಒಟ್ಟು ಮೂವೆರ್ ಕಾಂಕ್ರೀಟ್ ಬೇಲೆ ಮಲ್ತೊಂದಿತ್ತೆರ್. ಆಂಡ ಒರರ್ದ್ಒರಾನೆ ಕಾಂಕ್ರೀಟ್ ಪಲಯಿಲು ಬೊಕ್ಕ ಜಾಕ್ ಪೊಲಿದ್ಂಡ್. ಇರ್ವೇರ್ ಪಕ್ಕ ತಿರ್ತ್ ಲಾಗಿದೆರ್. ಪ್ರಕಾಶ್ ಮಾತ್ರ ತಿರ್ತ್ ಬೂರ್ದು ಗಾತಿದ ಗಡಿಕುಲಾದಿತ್ತ. ಗಾತಿದ ಗಡಿಕುಲಾದಿತ್ತಿನ ಮೆರೆನ್ ತುಂಬೆ ಪ್ರೈವೇಟ್ ಆಸ್ಪತ್ರೆಗ್ ದಾಖಲ್ತ್ಈಡಲಾ ಮರ್ದ್ ಪಲಿಪಂದೆ ತೀರ್ದೆರ್ ಪಂದ್ ತೆರಿದ್ ಬೈದ್ಂಡ್.