ತುಳುನು ಮೂಜನೇ ಬಾಸೆಯಾದ್ ಕಲ್ಪಾವುನ ಶಾಲೆಲೆಡ್ ಟೀಚರ್ನಕಲೆನ್ ಪಾಡರೆ ಸರಕಾರೊಗು ಮನವಿ : ತಾರನಾಥ ಗಟ್ಟಿ

Last updated on June 18th, 2024 at 04:52 pm

ತುಳುನು ತೃತೀಯ ಭಾಷೆಯಾದ್ ಕಲ್ಪಾವುನ ಸುಮಾರ್ 35ದಾತ್ ಶಾಲೆಲೆಡ್ ಗೆಸ್ಟ್ ಟೀಚರ್ನಕಲೆನ್ ಭರ್ತಿ ಮಲ್ಪರೆ ಸರಕಾರೊಗು ಮನವಿ ಮಲ್ಪುವ ಪನ್ದ್ ಪೊಸತಾದ್ ಅಜತ್ ಬತ್ತಿನ ತುಳು ಸಾಹಿತ್ಯ ಅಕಾಡೆಮಿ ತೆರಿಪಾಂಡ್.

SSLC ಡ್ 633 ಜನ ತುಳುನು ತೃತೀಯ ಭಾಷೆಯಾದ್ ದೆತೊನ್ದಿತ್ತೆರ್ ಅವೆಟ್ 629 ಜನ ಪಾಸ್ ಆತೆರ್ ಮಾತ್ರ ಅತ್ತಂದೆ 321 ಜನ ನೂದೆಕ್ಕ್ ನೂದು ಮಾರ್ಕ್ ದೆತೊನ್ದೆರ್. ಆಂಡ ಕರಿನ ನಾಲ್ ವರ್ಸೊರ್ದಿಂಚಿ ತುಳು ಕಲ್ಪಾವುನ ಟೀಚರ್ನಕಲೆಗ್ ಕೊರೊಡಾಯಿನ ಗೌರವದ ಪನವು ತಿಕ್ಕೊಂದಿಜ್ಜಿ.

ಸರಕಾರ ತುಳುಕು ಟೀಚರ್ನಕಲೆನ್ ಭರ್ತಿ ಮಲ್ಪುನ ಮನವಿನ್ ಅಂಗೀಕಾರ ಮಲ್ಪುಂಡು ಪನ್ಪಿನ ಭರವಸೆ ಉಂಡು ಪನ್ದ್ ಅಕಾಡೆಮಿದ ಗುರ್ಕಾರೆ ತಾರನಾಥ ಗಟ್ಟಿ ಪನ್ತೆರ್. ತುಳು ಕಲ್ಪಾವುನ ಶಾಲೆಡ್ ಒಂಜಾಡಲ ತುಳುಕಾದೇ ಉಪ್ಪುನ ಟೀಚರ್ ಬೋಡು, ದುಂಬು ಅಕಾಡೆಮಿ 3000 ರೂ ಗೌರವಧನ ಮೊಕಲೆಗ್ ಕೊರೊಂದಿತ್ತ್ಂಡ್. ಆಂಡ ಕರಿನ ನಾಲ್ ವರ್ಸೊರ್ದಿಂಚಿ ಈ ಪನವು ಪೋತಿಜಿ, ಬರ್ಪಿ ವಾರದ ಜನರಲ್ ಬಾಡಿ ಮೀಟಿಂಗ್ ರ್ದ್ ಬೊಕ್ಕ ಒಂಜಿ ವರ್ಸದ ಗೌರವಧನತ ಸೆಟಲ್ಮೆಂಟ್ ಮಲ್ಪುನ ಯೋಚನೆಡ್ ಉಲ್ಲ ಪನ್ದ್ ಆರ್ ತೆರಿಪಾದೆರ್.