Last updated on August 29th, 2022 at 10:39 am
ವಿದ್ಯಾರ್ಥಿಲು ತನ್ಕುಲೆ ಅಪ್ಪೆಬಾಸೆನ್ ಒರಿತೊನೊಡು ಅಂಚೆನೇ ಇಲ್ಲಡ್ ಪಾತೆರಕತೆಲೆನ್ ಅಪ್ಪೆಬಾಸೆಡೇ ಮನ್ಪೊಡು ಪಂದ್ ಕೇಂದ್ರ ಗೃಹ ಮಂತ್ರಿ ಅಮಿತಾ ಷಾ ಪಂಡೆರ್. ಗಾಂಧಿನಗರೊದ ನೇಷನಲ್ ಫೊರೆನ್ಸಿಕ್ಸ್ ಸೈನ್ಸಸ್ ಯೂನಿವರ್ಸಿಟಿ (NFSU)ಡ್ ನಡತಿನ ಲೇಸ್‌ಡ್ ಪಾತೆರಿನ ಆರ್ ಸರಕಾರೊಲಾ ಪ್ರಾದೇಶಿಕ ಬಾಸೆಲೆಡ್ ಶಿಕ್ಷಣೊಗು ಉಮೇದ್ ಕೊರೊಂದುಂಡುಂದ್ ಪಂಡೆರ್.
ಗ್ರ್ಯಾಜುವೇಷನ್ ವಿದ್ಯಾರ್ಥಿಲೆನ ಭವಿಷ್ಯೊಗು ಎಡ್ಡೆಪು ಬಯಕೊಂದು ಸಮಾಜೊದ ಉದ್ಧಾರೊಗಾದ್ ಬೆನ್ಲೆ ಪಂದ್ ಪಂಡೆರ್. ಜೀವನೊಡು ಕುಸಿಟಿಪ್ಪೊಡಾಂಡ ಬೇತೆಅಕ್ಲೆ ಎಡ್ಡೆ ಬಯಕುನ ನಿಕ್ಲೆನ ಸುರೂತ ಅಲೋಚನೆ ಆವೊಡು. ಒವ್ವೇ ಮಾಧ್ಯಮೊಡು ಕಲ್ತೊಂದಿತ್ತರ್ನ್ಡಲಾ ಇಲ್ಲಡ್ ನಿಕ್ಲೆ ಅಪ್ಪೆಬಾಸೆನೇ ಗಲಸ್ಲೆ. ನಿಕ್ಲೆ ಬಾಸೆನ್ ಒರಿತೊನ್ಲೆ. ಇಲ್ಲಡ್ ಪೌತೆರುನ, ಬರೆಪುನ, ಓದುನ ಬಾಸೆ ನಿಕ್ಲೆ ಅಪ್ಪೆಬಾಸೆನೇ ಆದುಪ್ಪೊಡುಂದ್ ಲೇಸ್‌ದ ಮಲ್ಲಬಿನ್ನೆರಾದಿತ್ತಿ ಅಮಿತ್ ಷಾ ಒತ್ತು ಒತ್ತುದ್ ಪಂಡೆರೊ.
