Last updated on June 22nd, 2024 at 09:18 am
ಕೇಂದ್ರ ಮಂತ್ರಿ ಹೆಚ್.ಡಿ ಕುಮಾರಸ್ವಾಮಿ ಮೇರ್ ಪೊಸದೆಲ್ಲಿದ ರೈಲ್ವೇ ಭವನೊಡು ಕೇಂದ್ರ ರೈಲ್ವೇ ಮಂತ್ರಿ ಅಶ್ವಿನಿ ವೈಶ್ಣವ್ ಮೆರೆಡ ಪಾತೆರಕತೆ ಮಲ್ತ್ ಕರ್ನಾಟಕ ರಾಜ್ಯದ ರೈಲ್ವೇ ಯೋಜನೆಲೆನ ಬಗೆಟ್ ವಿಚಾರಣೆ ಮಲ್ತೆರ್.
ಸುಮಾರ್ ಒಂಜಿ ಗಂಟೆದಾತ್ ಪೊರ್ತು ಅರೆನೊಟ್ಟುಗು ಮೀಟಿಂಗ್ ಮಲ್ತಿನ ಕುಮಾರಸ್ವಾಮಿ ಮೇರ್, ರಾಜ್ಯದ ಮಾತಾ ರೈಲ್ವೇ ಯೋಜನೆಲು ಪನ್ತಿನ ಟೈಮ್ ಡೇ ಕಂಪ್ಲೀಟ್ ಆಪುಂಡು ಪನ್ಪಿನ ವಿಶ್ವಾಸ ದೆತೊನ್ಡೆರ್. ಅಂಚೆನೆ ಮೈಸೂರು-ಚೆನ್ನೈ ನಡುತ ಬುಲೆಟ್ ಟ್ರೈನ್ ಯೋಜನೆದ ಬಗೆಟ್ ಪಾತೆರಕತೆ ಮಲ್ತೆರ್.
ಪ್ರಧಾನಿ ಮೋದಿಯೆರೆನ ಭಾರತದ ಅಭಿವೃದ್ದಿದ ಪರಿಕಲ್ಪನೆಗ್ ರೈಲ್ವೇ ಯೋಜನೆಲು ಸಹಕಾರಿಯಾದುಲ್ಲ, ಅಂಚಾದ್ ಕರ್ನಾಟಕದ ಮಾತಾ ರೈಲ್ವೇ ಯೋಜನೆಲು ಬೇಗ ಅನುಸ್ಟಾನ ಆವೊಡು ಪನ್ಪಿನ ಅಂಗಲಪ್ಪುಡು ರೈಲ್ವೇ ಸಚಿವೆರೆಡ ಪಾತೆರಕತೆ ಮಲ್ತೆ ಪನ್ದ್ ಕುಮಾರಸ್ವಾಮಿ ತೆರಿಪಾಯೆರ್.