Last updated on June 29th, 2024 at 01:13 pm
ಕಾರ್ಲ : ನಾಯಿ ಅಡ್ಡ ಬತ್ತ್ ಬೈಕ್ ಪಲ್ಟಿ ಆದ್ ಪೊಸ ಮದ್ಮಲ್ ರೋಡುಗು ಬೂರ್ದು ತೀರ್ನ ನಡಕೆ ಕಾರ್ಲದ ಈದು ಗ್ರಾಮದ ಪೊಸ್ಮಾರ್ ಸಂಕದಲ್ಪ ನಡದ್ಂಡ್.
ಕಾರ್ಲದ ತೆಲಾರ್ ರಸ್ತೆ ನಿವಾಸಿ ನಿಕ್ಷಾ ಪನ್ಪಿನಾರ್ ತೀರಿನ ಪೊಣ್ಣು. ಮೆರೆಗ್ ಕರಿನ ತಿಂಗೊಲು ಆತೇ ವಿಶಾಲ್ ಪನ್ಪಿನರೆನೊಟ್ಟುಗು ಮದ್ಮೆ ಆದಿತ್ತ್ಂಡ್. ಶುಕ್ರಾರ ಮದ್ಯಾಹ್ನ ಮೇರ್ ಕುಡ್ಲಗ್ ಪಿದಡ್ದಿತ್ತೆರ್, ಪೊಸ್ಮಾರ್ ಶಿರ್ತಾಡಿ ರೋಡ್ ಆದ್ ಕುಡ್ಲದ ಪ್ರೈವೇಟ್ ಬಸ್ ಬರ್ತರೆ ಕಂಡನನೊಟ್ಟುಗು ಬೈಕ್ ಡ್ ಬರೊಂದಿತ್ತೆರ್. ಪೊಸ್ಮಾರ್ ಸಂಕದಲ್ಪ ಬೈಕ್ ಬನ್ನಗ ನಾಯಿ ಅಡ್ಡ ಬತ್ತ್ ಬ್ಯಾಲನ್ಸ್ ತತ್ತ್ ಬೈಕ್ ರೋಡುಗು ಬೂರುಂಡು. ಈ ಪೊರ್ತುದು ರೋಡುಗು ಬೂರಿನ ನಿಕ್ಷಾ ಮೆರೆಗ್ ಮಂಡೆಗ್ ದಡೀತ ಗಡಿಯಾದ್ ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.