Last updated on June 30th, 2024 at 12:27 pm
ವೆಸ್ಟ್ ಇಂಡೀಸ್‌ಡ್ ನಡತೊಂತಿನ T20 ವಿಶ್ವ ಕಪ್‌ನ್ ಭಾರತ ಗೆಂದ್ಂಡ್. ಕೋಡೆ ಟಾಸ್ ಗೆಂದ್‌ದ್ ಬ್ಯಾಟಿಂಗ್ ಮಲ್ತಿನ ಭಾರತ, ರಡ್ಡನೇ ಓವರ್‌ಡ್ ಸೌತ್ ಆಫ್ರಿಕಾದ ಮಹಾರಾಜ್‌ನ ಸ್ಪಿನ್ ಬಲೆಕ್ಕ್ ರೋಹಿತ್ ಶರ್ಮ ಬೊಕ್ಕ ರಿಷಬ್ ಪಂತ್ ಬೂರಿಯೆರ್.
ಬೊಕ್ಕ ಭಾರತೊನು ಕಾತಿನಿ ವಿರಾಟ್ ಕೊಹ್ಲಿ ಅಂಚೆನೆ ಅಕ್ಷರ್ ಪಟೇಲ್. ಚೂರು ಪೊರ್ತುಡು ಅಕ್ಷರ್ ರನ್ ಬಲ್ಪುನ ಬರಸ್‌ಡ್ ರನ್ ಔಟ್ ಆಯೆರ್. ಬೊಕ್ಕ ವಿರಾಟ್, ಶಿವಂ ದುಬೆನ ಒಟ್ಟು ಸೇರ್ದ್ ಭಾರತ 170 ಗಡು ದಾಂಟುನಂಚ ತೂಯೆರ್.
ಬೌಲಿಂಗ್‌ಡ್ ಮುಪ್ಪ ಬೌಲ್‌ಡ್ ಮುಪ್ಪ ರನ್ ಬೋಡಿಪ್ಪುನಗ ಭಾರತದ ಕೈ ಪತ್ತಿನ ಬಿರ್ಸೆರ್ ಜಸ್‌ಪ್ರೀತ್ ಬೂಮ್ರ ಬೊಕ್ಕ ಹಾರ್ದಿಕ್ ಪಾಂಡ್ಯಾ. ಕಡೆತ್ತ ಓವರ್‌ಡ್ ಪದ್ನಾಜಿ ರನ್ ಬೋಡಿಪ್ಪುನಗ ಮಿಲ್ಲರ್ ಬೀಸೊಡು ಹಾಕಿನ ಬಾಲ್‌ನ್ ಲಾಗಿದ್ ಪತ್ತಿನ ತುಳುನಾಡ್‌ದ ಮರ್ಮಯೆ ಸೂರ್ಯ ಕುಮಾರ್ ಯಾದವ್, ಕ್ಯಾಚ್ ಮಾತ್ರ ಅತ್ತ್ ವಿಶ್ವ ಕಪ್‌ನೇ ಪತಿಯೆರ್.
ಭಾರತ ರೋಹಿತ್ ಶರ್ಮ ಮೆರೆನ ಮುತಾಲಿಕೆಡ್ ಸುರುತ್ತ ಕಪ್ ಗೆಂದ್ಂಡ್, ಆತೆ ಅತ್ತಾಂದೆ ಕೋಚ್ ರಾಹುಲ್ ದ್ರಾವಿಡ್ ಮೆರೆನ ಕಡೆತ್ತ ಮ್ಯಾಚ್ ಆದಿತ್ತ್ಂಡ್. ಅಂತರಾಷ್ಟ್ರೀಯ t20 ಗೊಬ್ಬುಗು ವಿರಾಟ್ ಬೊಕ್ಕ ರೋಹಿತ್ ಮುಗಿತಲೊದ ಚುಕ್ಕಿ ದೀಯೆರ್.
ವಿಶ್ವ ಕಪ್ ಗೆಂದಿನ ಭಾರತ ಕೂಪೆಗ್ ತುಳು ಸಮಾಚಾರರ್ದ್ ಎಡ್ಡೆಪ್ಪುಲು ಬಯಕೊಂದುಲ್ಲ.