Last updated on July 8th, 2024 at 12:37 pm
ಬೊಲ್ಮನ್: ತೆನ್ಕಾಯಿ ಆಫ್ರಿಕಾದ ಪೋಷಫ್‌ಸ್ಟ್ರೂಮ್‌ಡ್ ನಡತಿನ ಏಷಿಯಾ-ಪೆಸಿಫಿಕ್-ಆಫ್ರಿಕನ್ ಪವರ್‌ಲಿಫ್ಟಿಂಗ್ ಬೊಕ್ಕ ಬೆಂಚ್‌ಪ್ರೆಸ್ ಚಾಂಪಿಯನ್‌ಶಿಪ್‌ಡ್ ಭಾರತೊನು ಪ್ರತಿನಿಧಿತಿನ ಕಾರ್ಲದ ಅಕ್ಷತಾ ಪೂಜಾರಿ ಬೋಳ ಮೇರ್ ಬಂಗಾರ್‌ದ ಪದಕ ಗೆಂದ್‌ದೆರ್.
ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್‌ದ ಬೋಳ ಗ್ರಾಮೊದಾರಾಯಿನ ಅಕ್ಷತಾ ಪೂಜಾರಿ ಸೀನಿಯರ್ ವಿಭಾಗೊಡು ಪಂತೊಗು ಜತ್ತಿತ್ತೆರ್. ಸೀನಿಯರ್ ವಿಭಾಗೊಡು 52 ಕೆಜಿ ದಿನ್ನದ ವಿಭಾಗೊಡು ಈ ಸಾಧನೆನ್ ಮಲ್ದೆರ್.
ಅಕ್ಷತಾ ಪೂಜಾರಿ ಬೋಳ ಪವರ್ ಲಿಫ್ಟಿಂಗ್‌ಡ್ ಗಮನಾರ್ಹ ದಾಖಲೆನ್ ಮಲ್ದೆರ್, ಮೇರ್ ಪಾಕ ಬಂಗಾರ್‌ದ ಪದಕೊಲೆನ್ ಗೆಂದ್‌ದೆರ್. ಏಷ್ಯಾ ಮಟ್ಟೊಡು, ಕಾಮನ್‌ವೆಲ್ತ್ ಗೇಮ್ಸ್‌ಡ್, ಬೊಕ್ಕ ವಿಶ್ವ ಚಾಂಪಿಯನ್‌ಶಿಪ್‌ಡ್ ಗೆಂದ್‌ದೆರ್. ಮೆರೆನ ಅದ್ಭುತ ಸಾಧನೆಲೆಗ್ ಮೆರೆಗ್ ಪುಗರ್ತೆದ ಏಕಲವ್ಯ ಪ್ರಶಸ್ತಿಲಾ ತಿಕ್ಕ್‌ದ್ಂಡ್.