Last updated on July 9th, 2024 at 07:53 am
ಕಾರ್ಲ ಬೊಕ್ಕ ಹೆಬ್ರಿ ತಾಲೂಕು ವ್ಯಾಪ್ತಿಡ್ ಕರಿನ 6 ತಿಂಗೊಲುಡು 51 ಜನಕ್ ಡೆಂಗ್ಯೂ ಜ್ವರ ಬೈದ್ಂಡ್. ನಗರ ಅಂಚೆನೆ ಗ್ರಾಮೀಣ ಭಾಗೊಡುಲಾ ಡೆಂಗ್ಯೂ ಜ್ವರ ಬೈದಿನಕುಲು ಉಲ್ಲೆರ್.
ಎಚ್ಚಿನ ಡೆಂಗ್ಯೂ ತೋಜಿದ್ ಬೈದಿನಿ ಕಾರ್ಲ ಪುರಸಭೆತ ವ್ಯಾಪ್ತಿದ ಅಂಚೆನೆ ಗ್ರಾಮೀಣ ಭಾಗೊಲಾಯಿನ ಮಾಳ, ಕೆರ್ವಾಶೆ, ಕುಕ್ಕಂದೂರು ಪಂಚಾಯತಿದ ವ್ಯಾಪ್ತಿಡ್. ರಡ್ಡ್ ತಾಲೂಕುಲೆಡ್ಲಾ ಡೆಂಗ್ಯೂ ಪ್ರಕರಣ ನಿಯಂತ್ರಣೊಡು ಇತ್ತ್ ಗಂಭೀರ ಸ್ಥಿತಿಗ್ ಪೋತುಜಿ. ಜನವರಿರ್ದ್ ಜೂನ್ 30 ಮುಟ್ಟ 50 ಪ್ರಕರಣ ಬತ್ತ್ ದ್ ಎಚ್ಚಿನಕುಲು ಮಾತಾ ಗುನ ಆತೆರ್. ಇತ್ತೆ 7 ಜನ ಮರ್ದ್ ಮಲ್ತೊಂದುಲ್ಲೆರ್. ಕರಿನ ವರ್ಸೊರ್ದು ಈ ವರ್ಸ ಡೆಂಗ್ಯೂ ಪ್ರಕರಣ ಜಾಸ್ತಿ ಆತ್ಂಡ್. ಕರಿನ ವರ್ಸ 35 ಇತ್ತ್ಂಡ ಈ ವರ್ಸ 51 ಆತ್ಂಡ್.