Last updated on July 9th, 2024 at 05:37 pm
ಕುಡ್ಲ: ಜುಲೈ 09: ಪುಗರ್ತೆದ ಪುಣ್ಯಕ್ಷೇತ್ರ ಕದ್ರಿ ಮಂಜುನಾಥನ ಸನ್ನಿಧಿಡ್ ಒರಿ ಜವನೆ ಅಪಚಾರ ಮಲ್ದಿನ ನಡಕೆ ವರದಿಯಾದಿತ್ತ್‌ದ್, ಇತ್ತೆಗ್ ನಡಕೆದ ಬಗೆಟ್ ಕದ್ರಿ ಸ್ಟೇಷನ್‌ಡ್ ದೇವಲ್ಯೊದ ಮುಖ್ಯಾಧಿಕಾರಿ ಒಯಿಲ್ ಬರೆಪಾದೆರ್.
ಕದ್ರಿ ಶ್ರೀಮಂಜುನಾಥೇಶ್ವರ ದೇವಲ್ಯೊಡು ಕಾಂಡೆ ಕಾಂಡೆ ಈ ನಡಕೆ ನಡತಿತ್ತ್‌ದ್, ಬೈಕ್ ಬುಡೊಂದು ಸೀದ ಕದ್ರಿ ದೇವಲ್ಯೊದ ಅಂಗಣೊಗು ಬತ್ತಿನ ಜವನೆ, ದೇವಲ್ಯೊದ ಉಲಯಿ ಪೊಗ್ಗುದು ರಂಬಾರೂಟಿ ಮಲ್ದೆ. ಆತೆ ಅತ್ತಂದೆ ಅಣ್ಣಪ್ಪ ಸ್ವಾಮಿನ ಗುಂಡದಡೆ ಪೋದು ಬಾಕಿಲ್‌ಗ್ ತೊರ್ತ್‌ದ್ ಅಪಚಾರ ಮಲ್ತ್‌ದೆ ಪಂದ್ ಪನೊಂದುಲ್ಲೆರ್. ಈ ಪೊರ್ತುಡು ಪ್ರಶ್ನೆ ಮಲ್ತಿನ ಬಟ್ರೆಗ್‌ಲಾ ಆಕ್ಯೆರೆ ಪೋತೆ. ಪಿರ ದೈವಸ್ಥಾನೊದಲ್ಪ ಇತ್ತಿನ ಕತ್ತಿನ್ ಪತೊಂದು ಮರ್ಲ್ ಗಿರಾದಿನ ಒಲವುಲಾ ಉಂಡು. ಈ ಪೊರ್ತುಡು ಅಲ್ಪ ಇತ್ತಿನಕುಲು ಜವನಗ್ ನಾಲ್ ಪೊಲಿ ಪಾಡ್ದ್ ಪೊಲೀಸೆರೆಗ್ ಒಪ್ಯಾದೆರ್.
ನಡಕೆದ ಬಗೆಟ್ ಕದ್ರಿ ಸ್ಟೇಷನ್‌ಗ್ ದೇವಲ್ಯೊದ ಮುಖ್ಯಾಧಿಕಾರಿ ಒಯಿಲ್ ಕೊರ್ದಿತ್ತ್‌ದೊ, ಜವನನ್ ವಶೊಕು ಗೆತೊಂದಿನ ಪೊಲೀಸೆರ್ ವಿಚಾರಣೆ ಮಲ್ತೊಂದುಲ್ಲೆರ್. ರಂಬಾರೂಟಿ ಮಲ್ದಿನ ಜವನೆ ಪೇಂಟೆದ ಖಾಸಗಿ ಆಸ್ಪತ್ರೆಡ್ ಸೆಕ್ಯೂರಿಟಿ ಗಾರ್ಡ್ ಆದ್ ಬೇಲೆ ಮಲ್ತೊಂದಿತ್ತಿನ ಬಗೆಟ್ ತೆರಿದ್ಂಡ್.