Last updated on July 14th, 2024 at 08:55 am
ಬಜಪೆ: ಫೈನಾನ್ಸ್‌ ಸೊಸೈಟಗ್ ಬುರ್ಖಾ ಪಾಡೊಂದು ಬತ್ತ್‌ದ್ ಪೊಂಜೊವುನ ಮಿತ್ತ್ ಆ್ಯಸಿಡ್‌ ಪಾಡ್ದ್ ಪದ್ದೈಬಂಗಾರ್ ಕಂಡೆರೆ ತೂಯಿನ ಮೂವೆರ್ ಆರೋಪಿಲೆನ್ ಕೈದ್ ಮಲ್ತ್‌ದ್, 15 ಲಕ್ಷ ರೂ. ಮೌಲ್ಯೊದ ಸೊತ್ತುಲೆನ್ ಬಜಪೆ ಪೊಲೀಸೆರ್ ಶನಿವಾರ ವಶೊಕು ಗೆತೊಂದೆರ್.
ಬಜಪೆ ಗ್ರಾಮೊದ ನಿವಾಸಿ ಲೆಸ್ಲಿ ಡಿ ಕುನ್ಹಾ ಮೆರೆನ ಬಜಪೆ ಪೇಂಟೆಡ್ ಇಪ್ಪುನ ಫೈನಾನ್ಸ್‌ಗ್ ಜು. 4.ತಾನಿ ಬಯ್ಯಡ್ ಬುರ್ಖಾ ಪಾಡೊಂದು ಬತ್ತಿತ್ತಿನ ಮೂವೆರ್ ಪದ್ದೈಬಂಗಾರ್ ಕಂಡೆರ ಪುನೆತಿನ ಬಗೆಟ್ ಪೊಲೀಸ್‌ ಸ್ಟೇಷನ್‌ಡ್ ಪ್ರಕರಣ ದಾಕಲಾದಿತ್ತ್ಂಡ್.
ಪ್ರೀತೇಶ್‌, ಕುಸುಮಾಕರ, ಧನರಾಜ್ ಕೈದಾತಿನ ಆರೋಪಿಲು.
ಪ್ರೀತೇಶ್‌ ವಿರುದ್ಧ ತೊರ್ತಲ್ ಪೊಲೀಸ್‌ ಸ್ಟೇಷನ್‌ಡ್ 2 ಅಂಚೆನೇ ಬಜಪೆ ಪೊಲೀಸ್‌ ಸ್ಟೇಷನ್‌ಡ್ ಒಂಜಿ ಕಲ್ವೆ ಪ್ರಕರಣ, ಧನರಾಜ್‌‌ನ ಮಿತ್ತ್ ಕಾರ್ಕಳ ಗ್ರಾಮಾಂತರ ಸ್ಟೇಷನ್‌ಡ್ 2 ಅಂಚೆನೇ ಬೆದ್ರ ಸ್ಟೇಷನ್‌ಡ್ 1 ಕೊಲೆ ಪುನೆಪು ಪ್ರಕರಣ, ತೊರ್ತಲ್ ಪೊಲೀಸ್‌ ಸ್ಟೇಷನ್‌ಡ್ ಒಂದಜಿ ಜೀವ ಬೆದರಿಕೆ ಪ್ರಕರಣ, ಕುಸುಮಾಕರನ ಮಿತ್ತ್ ತೊರ್ತಲ್ ಪೊಲೀಸ್‌ ಸ್ಟೇಷನ್‌ಡ್ 2 ಅಂಚೆನೇ ಬಜಪೆ ಪೊಲೀಸ್‌ ಸ್ಟೇಷನ್‌ಡ್ 1 ಕಲ್ವೆದ ಪ್ರಕರಣೊಲು ದಾಕಲಾತ.