Last updated on July 14th, 2024 at 06:06 pm
ಕುಡ್ಲ MSEZ ಆರ್ಥಿಕ ವಲಯೊಡು ಭಾರಿ ಅಗ್ನಿ ದುರಂತ: ಕೋಟಿಗಟ್ಲೆ ರೂಪಾಯಿ ನಷ್ಟ ಆತ್ಂಡ್.
ಅಥೆಂಟಿಕ್ ಓಷನ್ ಟ್ರೆಷರ್‌ಡ್ ಇನಿ, ಐತಾರ ಮದ್ಯಾನ ಈ ದುರಂತ ನಡತಿತ್ತ್‌ದ್ 10 ಕೋಟಿ ರೂ. ಮೌಲ್ಯೊದ ಮತ್ಸ್ಯ ಉತ್ಪನ್ನೊಲು ಪೊತ್ತುದು ಪೋತ.
ಕಂಪೆನಿಡ್ ರಿಪೇರ್ ಬೇಲೆ ನಡತೊಂದಿತ್ತ್‌ದ್ ಐತಾರ ರಜೆ ಇತ್ತಿನೆರ್ದಾವರ ನೌಕರೆರ್ ಎರ್ಲಾ ಇಜ್ಜಂಡ್. ಅಂಚಾದ್ ಒವ್ವೇ ಪ್ರಾಣಹಾನಿ ಆತಿಜಿ. ಅಥೆಂಟಿಕ್ ಓಷನ್ ಟ್ರೆಷರ್ ಕಂಪೆನಿ ಮೀನ್‌ಲೆನ್ ಸಜ್ಜಿ ಮಲ್ತ್‌ದ್ ಮಾಸೊದ ರೂಪಗ್ ಕನತ್‌ದ್ ಅವೆನ್ 10 ಕೆ.ಜಿ. ದ ಪ್ಯಾಕೆಟ್ ಮಲ್ತ್‌ದ್ ಪಿದಯಿ ದೇಶೊಲೆಗ್ ಎಕ್ಸ್‌ಪೋರ್ಟ್ ಮನ್ಪುನ ಕಂಪೆನಿ. ಕಂಪೆನಿದ ಕೋಲ್ಡ್ ಸ್ಟೋರ್ ಸೆಕ್ಷನ್ ಬೊಕ್ಕ ಕಟ್ಟಿಂಗ್ ಸೆಕ್ಷನ್‌ಲೆಡ್ ರಿಪೇರ್ ಬೇಲೆ ನಡತೊಂದಿತ್ತ್ಂಡ್. ಈ ಪೊರ್ತುಡು ಕೋಲ್ಡ್ ಸ್ಟೋರೆಜ್ ಸೆಕ್ಷನ್‌ಡ್ ಆಕಸ್ಮಿಕವಾದ್ ಸೂ ಪತೊಂದು ಅವಘಡ ನಡತ್‌ದ್ಂಡ್ ಪಂದ್ ತೆರಿದ್ ಬೈದ್ಂಡ್.
ನಡಕೆಡ್ ಸುಮಾರ್ 10 ಕೋಟಿ ರೂ. ಮೌಲ್ಯೊದ ಮತ್ಸ್ಯ ಉತ್ಪನ್ನೊಲು ಸೂಕ್ ಆಹುತಿ ಆತ ಪಂದ್ ತೆರಿದ್ ಬೈದ್ಂಡ್. ಸುರುಕು ಕೈಗಾರಿಕಾ ವಲಯ, ಎಂಆರ್ ಪಿಎಲ್, ಗೇಲ್ ಇಂಡಿಯಾ ಕಂಪೆನಿಲೆನ ಅಗ್ನಿ ಶಾಮಕ ಗಾಡಿಲು ಜಾಗೆಗ್ ಪೋದು ಸೂ ತೆಕ್ಕಾವುನ ಕಾರ್ಯಾಚರಣೆಡ್ ಸಕಾಯ ಮಲ್ತ