Last updated on July 20th, 2024 at 06:52 pm
ಕಡೆಸ್ವಾಲ(ಕಡೆಶಿವಾಲಯ)ಜುಲೈ 20: ಮುಟ್ಟದ ಒಂಜಿ ಲೇಸ್‌ಗ್ ಶಾಮಿಯಾನ ಪಾಡುನ ಪೊರ್ತುಡು ಕರ್ಬದ ಟ್ರೆಸ್ ಕರೆಂಟ್ ವಯರ್‌ಗ್ ತಾಗ್‌ದ್ ಕಾರ್ಮಿಕೆ ತೀರ್ದಿನ ನಡಕೆ ಕಡೆಸ್ವಾಲದ ಕಾಡಬೊಟ್ಟುಡು ನಡತ್‌ದ್ಂಡ್.
ಕಲ್ಲಡ್ಕದ ಶಾಮಿಯಾನ ಸಂಸ್ಥೆದ 5 ಬೇಲೆದಕುಲು ಲೇಸ್ ಒಂಜೆತ ಚಪ್ಪರ ಪಾಡೆರ ಪೋದಿತ್ತೆರ್. ಚಪ್ಪರ ಪಾಡುನ ಪೊರ್ತುಡು ಉದ್ದೊದ ಕರ್ಬೊದ ಟ್ರೆಸ್ ಬರಿಟೆ ಪೋತಿನ ಹೈ ಟೆನ್ನನ್ ಕರೆಂಟ್ ವಯರ್‌ಗ್ ತಾಗ್‌ದ್ಂಡ್. ಈ ಪೊರ್ತುಡು ಶಾಕ್ ಆಕ್‌ದ್ ಕಾರ್ಮಿಕೆ ಕುಂದನ್(18) ಆಸ್ಪತ್ರೆಗ್ ಲೆತೊಂದುಪೋಪಿನ ಸಾದಿದ ನಡುಟು ತೀರ್ದೆರ್.
ಒರಿನಕಲೆಗ್ ಪೆಟ್ಟಾದಿತ್ತ್‌ದ್, ಕುಡ್ಲದ ಎ.ಜಿ ಆಸ್ಪತ್ರೆಗ್ ಸೇರಾದೆರ್. ತೀರ್ದಿನ ಕುಂದನ್ ಬಿಹಾರ ಮೂಲೊದಾರ್. ಪೆಟ್ಟಾತಿನಕಲೆಟ್ ಬಬ್ಲೂ ಬೊಕ್ಕ ಪ್ರದೀಪ್ ಜಾರ್ಖಂಡ್ ಮೂಲೊದಕುಲಾದಿತ್ತ್ಂಡ, ಪ್ರದೀಪ್ ಪಡ್ಡಾಯಿ ಬಂಗಾಳದಾರ್.
ಊರ್‌ದಾರೆ ಆಯಿನ ಪ್ರಸನ್ನೆರ್ ಅಪಾಯೊರ್ದು ಬಚಾವಾತೆರ್. ಒರಿನ ಮೂವೆರೆನ್ ICU ಗ್ ದಾಕಲ್ತ್‌ದ್ ಮರ್ದ್ ಮಲ್ತೊಂದುಲ್ಲೆರ್. ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.