Last updated on July 24th, 2024 at 01:20 pm
ವಿಧಾನಸಭೆತ (Assembly Session) ಗೇನ ಒಯ್ಪುನ ಸೂಚನಾ ಕಲಾಪೊಡು ರಾಜ್ಯೊಡು ತುಳು ಭಾಷೆನ್ ರಾಜ್ಯೊದ ರಡ್ಡನೇ ಎಚ್ಚಿಗೆದ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪುನ ಬಗೆಟ್ ಪುತ್ತೂರು ಶಾಸಕೆರ್ ಅಶೋಕ್ ಕುಮಾರ್ ರೈ ಸರ್ಕಾರೊದ ಗೇನೊಗು ಕನತೆರ್. ತುಳುಟೇ ಶಾಸಕೆ ಅಶೋಕ್ ರೈ ಪಾತೆರ್ದೆರ್. ಮುಲ್ಪದಕಲೆಗ್ ಏರೆಗ್ಲಾ ದಾಲ ಅರ್ಥ ಆಪುಜಿ ಪಂದ್ ಸ್ಪೀಕರ್ ಖಾದರ್‌ಲಾ ತುಳುಟೇ ಸದು ಕೊರ್ಯೆರ್.
ಈ ಪೊರ್ತುಡು ವಿಪಕ್ಷ ನಾಯಕೆ ಆರ್. ಅಶೋಕ್ (R Ashoka) ಉಂದು ದಾದ ಕುಡ್ಲದ ಅಧಿವೇಶನನಾ ಪಂದ್ ಮಕ್ಕರ್ ಮಲ್ತ್‌ದೆರ್. ಅಶೋಕ್ ರೈಕ್ಲೆನ ಪ್ರಸ್ತಾಪೊಗು ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಲೆನ ಶಾಸಕೆರ್ ತಾಂಗ್ ಕೊರ್ತೆರ್. ಈರ್ ಸ್ಪೀಕರ್ ಆದುಪ್ಪುನಗನೇ ಈ ಒಂಜಿ ಬೇಲೆ ಆವಡ್ ಪಂದ್ ಶಾಸಕೆ ವೇದವ್ಯಾಸ ಕಾಮತ್ ಕೈ ಮುಗಿಯೆರ್. ದಿಲ ಮಂಡೆಬೆಚ್ಚ ಮಲ್ಪೊರ್ಚಿ, ಮಲ್ತ್ ಕೊರ್ಕ ಪಂದ್ ಸ್ಪೀಕರ್ ಯುಟಿ ಖಾದರ್‌ ಪಂತೆರ್. ಈ ಬಗೆತ ವಿಡಿಯೋನು ಶಾಸಕೆ ಅಶೋಕ್ ಕುಮಾರ್ ರೈಕುಲು ತನ್ನ ಇನ್ಸ್ಟಾ‌ಗ್ರಾಮ್‌ಡ್ ಪಟ್ಟೊಂದೆರ್.