ಕುಡ್ಲದ ರಿಕ್ಷಾ ಡ್ರೈವರ್‌ನಕ್ಲೆನ ಸಮಸ್ಯೆಗ್ ವಿಧಾನ ಸಭಾ ಅಧಿವೇಶನೊಡು ಸೊರದೆರ್ತಿನ ಶಾಸಕೆ ವೇದವ್ಯಾಸ್ ಕಾಮತ್

Last updated on July 26th, 2024 at 09:25 am

ಬೆಂಗಳೂರು:  ರಾಜ್ಯ ವಿಧಾನಸಭೆಟ್ ನಡತೊಕದುಪ್ಪುನ ಅಧಿವೇಶನೊಡು ಕುಡ್ಲದ ರಿಕ್ಷಾ ಡ್ರೈವರ್‌ನಕುಲು ಅನುಭವಿತೊಂದುಪ್ಪುನ ಸಮಸ್ಯೆನ್ ಸರ್ಕಾರೊದ ಗೇನೊಗು ಕನತ್‌ದ್ ಬೇಗೊಡೇ ಅನುಕೂಲ ಮಲ್ತ್ ಕೊರೊಡು ಪಂಡ್‌ದ್ ಶಾಸಕೆ ವೇದವ್ಯಾಸ ಕಾಮತೆರ್ ಆಗ್ರಹ ಮಲ್ತೆರ್.

ಪೇಂಟೇಡ್ ಬೆನೊಂದುಪ್ಪುನ ಸಾರಗಟ್ಲೆ ರಿಕ್ಷಾ ಡ್ರೈವರ್‌ನಕುಲು ಮೀಟರ್ ಮುದ್ರೆಗ್ ಪಿದಯಿವಲಯೊದ ದೂರೊದ ಕುಲಶೇಖರೊಗು ಪೋವೊಡು. ಅಲ್ಪಲಾ ಕ್ಯೂ ಉಂತೊಡು. ಪೋತಿನ ಮಾತೆರೆಗ್ಲಾ ಮೀಟರ್ ಮುದ್ರೆ ತಿಕ್ಕಂದೆ ಪಾಕ ಜನ ಪಿರ ತಿರ್ಗ್‌ದ್ ಬರ್ಪಿನ ಪರಿಸ್ಥಿತಿ ಉಂಡು. ಅಂಚಾದ್ ಪೇಂಟೆದ ಕೇಂದ್ರ ಭಾಗೊಡುಪ್ಪುನ ಕುಡ್ಲದ ಆರ್‌ಟಿಓ ಕಚೇರಿಡೇ ವಾರೊಡು ದಡ್ಡ್ ದಿನ ಮೀಟರ್ ಮುದ್ರೆ ಕೊರ್ಪಿನ ವ್ಯವಸ್ಥೆ ಮಲ್ತ್‌ಕೊರ್ಯೆರೆ ಶಾಸಕೆರ್ ಸರ್ಕಾರೊಗು ಆಗ್ರಹ ಮಲ್ತೆರ್. ರಿಕ್ಷಾ ಡ್ರೈವರ್‌ನಕುಲೆನ ಈ ನ್ಯಾಯಯುತ ಕೇನ್ಪುಗು ಕೆಬಿಕೊರೊಡು ಪಂಡ್‌ದ್ ಶಾಸಕೆರ್ ಇಂಚಿಪ್ಪೊಗು ಸಾರಿಗೆ ಸಚಿವೆ ರಾಮಲಿಂಗ ರೆಡ್ಡಿಗ್ಲಾ ಬಿನ್ನಪು ಮಲ್ತಿತ್ತೆರ್.