ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಬೊಕ ಕೇರಳ ತುಳು ಅಕಾಡೆಮಿದ ಒಟ್ಟು ಸೇರಿಗೆಡ್ “ಆಟಿದ ಕೂಟ” ಲೇಸ್

Last updated on July 29th, 2024 at 07:20 pm

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಬೊಕ ಕೇರಳ ತುಳು ಅಕಾಡೆಮಿದ ಒಟ್ಟು ಸೇರಿಗೆಡ್ “ಆಟಿದ ಕೂಟ” ಲೇಸ್ 28-07-2024  ಐತಾರದಾನಿ ಅಕಾಡೆಮಿದ ಚಾವಡಿಡ್ ನಡತ್ಂಡ್ ತುಲುವ ಸಂಸ್ಕೃತಿ,ಆಚಾರ ವಿಚಾರೊಲು ಮದೆಕ್ ಪೋವೊಂದುಂಡು ನನದ ಯುಜ ಜನಾಂಗ ಅವೆನ್ ಒರಿಪುನ ಪ್ರಯತ್ನ ಬರೊಡು, ಬೆನ್ನಿ ಬದ್ಕ್‌ದ ತುಲುವೆರೆನ ಆಟಿದ ದಿನಕುಲು ಎಂಚ ಇತ್ತ್ಂಡ್ ಪನ್ಪುನೆನ್ ಆಟಿದ ಪೊಲಬು ಕೊರ್ದು ಶ್ರೀ ಉಮೇಶ್ ಸಿರಿಯಾ ಪಾತೆರ್ಯೆರ್. ಮಲ್ಲ ಬಿನ್ನೆರಾದ್ ಕೇರಳ ತುಲು ಅಕಾಡೆಮಿದ ಕಾರ್ಯಂತೆರಾಯಿನ ಪ್ರದೀಪ್ ಕುಮಾರ್ ಪಾತೆರ್ದ್ ಅಕಾಡೆಮಿದ ಕಡೆರ್ದ್ ಜೈ ತುಲುನಾಡ್(ರಿ.) ಸಂಘಟನೆದ ತುಲು ಪರವಾಯಿನ ಬೆನ್ಕೆಗ್ ಬೆರಿಸಾಯವುಂಡೂಂದು ಪಂಡೆರ್. ಕೇರಳ ತುಲು ಅಕಾಡೆಮಿ ಗುರ್ಕಾಲು ಶ್ರೀ ಜಯಾನಂದ ಲೇಸ್ ದ ಬಗೆಟ್ ಎಡ್ಡೆಪ್ಪುದ ಮದಿಪುನು ಪಂಡೆರ್. ಬೊಕ್ಕೊರ್ತಿ ಮಲ್ಲ ಬಿನ್ನೆದಿ ಜೈ ತುಲುನಾಡ್ (ರಿ.) ಕೇಂದ್ರ ಸಮಿತಿದ ಒತ್ತು ಸಂಘಟನಾ ಸಂಚಾಲಕೆರಾಯಿ ಕು. ಚಿತ್ರಾಕ್ಷಿ ಪುತ್ತೂರು ಲೇಸ್ ಡ್ ಎಡ್ಡೆಪ್ಪುದ ಸಬಿದೇಸೆ ಪಾರಾಯೆರೆ.ಎಗ್ಗೆದ ಗುರ್ಕಾರ್ಲು ಶ್ರೀಮತಿ ಕುಶಲಾಕ್ಷಿ ವಿ ಕಣ್ವತೀರ್ಥ ಲೇಸ್‌ದ ಗುರ್ಕಾರ್ಮೆ ವಹಿಸೊಂಡೆರ್.
ಜೈ ತುಲುನಾಡ್ (ರಿ.) ಕೇಂದ್ರ ಸಮಿತಿದ ಒತ್ತು  ಗುರ್ಕಾರ್ಲು ಶ್ರೀಮತಿ ವಿನೋದ್ ಪ್ರಸಾದ್ ರೈ ಮೆರೆನ ಸುಗಿಪುದೊಟ್ಟಿಗೆ ಸುರುವಾಯಿನ ಲೇಸ್ ನ್ ಎಗ್ಗೆದ ಒತ್ತು ಗುರ್ಕಾಲು ಶ್ರೀ ಕಾರ್ತಿಕ್ ಎದ್ಕೊಂಡೆರ್, ಶ್ರೀಮತಿ ಪವಿತ್ರ ಮಾಡ ಸೊಲ್ಮೆ ಸಂದಾಯೆರ್, ಕಾರ್ಯಂತೆರಾಯಿನ ಶ್ರೀ ಜಗನ್ನಾಥ್ ಕುಲಾಲ್ ಸುದಾರಿಕೆ ಮಂತೆರ್, ಶ್ರೀ ಹರಿಕಾಂತ್ ಕಾಸರಗೋಡು,ಪ್ರವೀಶ್ ಕುಲಾಲ್,ಯಜ್ಞೇಶ್, ಚೈತ್ರ ಕುಲ್ಲಮುಗೆರ್, ಮೇಘನಾ ಕೆ. ಎನ್. ಪೆರ್ಲ ಸಹಾಯ ಮಂತೆರ್. ಕೂಟ ಮುಗಿದ್ ಪದುಕೆರ್ ಇಲ್ಲಡ್ ಮಂತ್ ಕನಯಿದಿನ ಆಟಿದ ತೆನಸ್‌ನ್ ಪಟ್ಯೆರ್.