Last updated on August 1st, 2024 at 02:16 pm
ಭಾರತೊದ ಶೂಟರ್ ಸ್ವಪ್ನಿಲ್ ಕುಸಾಲೆ ಒಲಿಂಪಿಕ್ಸ್‌ದ ಆಂಜೊವುಲೆನ 50 ಮೀಟರ್ಸ್ ರೈಫಲ್ 3 ಪೊಸಿಷನ್ಸ್‌ದ ಫೈನಲ್‌ಡ್ ಮೂಜನೇ ತಾನೊನು ಗೆಂದ್‌ದ್ ಕಂಚಿದ ಮೆಡಲ್ ಆಕ್‌ದೆರ್‌.
29 ವರ್ಸ ಪ್ರಾಯೊದ ಸ್ವಪ್ನಿಲ್ ಕುಸಾಲೆ ಮಹಾರಾಷ್ಟ್ರದಾರ್. ಕೊಲ್ಹಾಪುರೊಡು ತೇಜಸ್ವಿನಿ ಸಾವಂತ್‌ ಮೆರೆರ್ದ್ ಟ್ರೈನಿಂಗ್ ಗೆತೊಂದೆರ್. ಮೆರೆನ ಸುರುತ ಕೋಚ್‌ ದೀಪಾಲಿ ದೇಶಪಾಂಡೆ.
ಭೋಪಾಲ್‌‌ಡ್ ನಡತಿನ ಅಕೇರಿದ ಕ್ವಾಲಿಫೈರ್ ರೌಂಡ್‌ಡ್ ಪ್ಯಾರಿಸ್‌ ಒಲಿಂಪಿಕ್ಸ್‌ ಟಿಕೆಟ್‌ ಗೆಂದ್‌ದಿತ್ತಿನ ಸ್ವಪ್ನಿಲ್, 2015ತ ಕುವೈಟ್‌ ಏಷ್ಯನ್‌ ಶೂಟಿಂಗ್‌ ಚಾಂಪಿಯನ್‌ಶಿಪ್‌ದ 50 ಮೀ. ರೈಫಲ್ ಪ್ರೋನ್‌ 3 ಜೂನಿಯರ್‌ ವಿಭಾಗೊಡು ಬಂಗಾರ್‌ದ ಪದಕ ಗೆಂದ್‌ದೆರ್. 59ನೇ ಬೊಕ್ಕ 61ನೇ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌‌ಡ್ಲಾ ಬಂಗಾರ್ ಗೆಂದಿನಾರ್. ಕರಿನ ಏಷ್ಯಾಡ್‌ಡ್ 4ನೇ ತಾನೊಗು ಸಮದಾರಿಕೆ ಮಲ್ತೊಂದಿನ ಸ್ವಪ್ನಿಲ್ ಈ ಸರ್ತಿ ಒಲಿಂಪಿಕ್ಸ್‌ಡ್ ಕಂಚಿ ಗೆಂದ್‌ದೆರ್.