Last updated on August 3rd, 2024 at 06:09 pm
ಹಿಮಾಚಲ ಪ್ರದೇಶೊಡು ಮೇಘಸ್ಪೋಟ ಆದ್ 6 ಜನ ತೀರಿಯೆರ್, 53 ಜನ ನಾಪತ್ತೆ ಆತೆರ್ ಪನ್ದ್ ಎಎನ್ಐ ವರದಿ ಮಲ್ದ್ಂಡ್.
ಶಿಮ್ಲಾ ಜಿಲ್ಲೆದ ಸಮೇಜ್ ಪ್ರದೇಶ, ರಾಂಪುರ್ ಪ್ರದೇಶ, ಕುಲುತ ಬಘಿಪುಲ್ ಪ್ರದೇಶ ಬೊಕ್ಕ ಮಂಡಿದ ಪದ್ದರ್ ಪ್ರದೇಶಡ್ ಮೇಘಸ್ಫೋಟ ಆದ್ ಮಸ್ತ್ ವಿನಾಶ ಆತ್ಂಡ್. 53 ಜನ ನಾಪತ್ತೆ ಆತೆರ್, ಆಜಿ ಪುನ ತಿಕ್ಕ್ಂಡ್ ಪನ್ದ್ ಡಿಡಿಎಂಎ ವಿಶೇಷ ಕಾರ್ಯದರ್ಶಿ ಡಿಸಿ ರಾಣಾ ಎಎನ್‌ಐಗ್ ತೆರಿಪಾದೆರ್.
ಇತ್ತೆ ಈ ನಡಕೆದ ಜಾಗೊಲೆಡ್ ರಕ್ಷಣಾ ಕಾರ್ಯ ನಡತೊಂದುಂಡು. ಮಸ್ತ್ ಜನ ಅಡಿಕ್ ಬೂರ್ದೆರ್ ಇಜಿಂಡ ಗುದ್ದೊಂದು ಪೋತೆರ್ ಪನ್ದ್ ಅಲ್ಪದಕುಲು ಪನೊಂದುಲ್ಲೆರ್. ಊರುಗು ಊರೇ ನಾಶ ಆತ್ಂಡ್.