Last updated on August 7th, 2024 at 04:41 pm
8ನೇ ಪರಿಚ್ಛೇದೊಗು ತುಳು ಬಾಸೆನ್ ಗೋಡ್ಯಾವುನ ಬಗೆಟ್ ಬರವುದ ಕೇಳ್ವಿನ್ ಕೇಂಡಿನ ಕುಡ್ಲದ ಸಂಸದೆರಾಯಿನ ಬ್ರಿಜೇಶ್ ಚೌಟ ಮೆರೆಗ್ ಲಿಖಿತ ಉತ್ತರ ಕೊರಿನ ಸರಕಾರ ಈ ಬೇಡಿಕೆಲೆನ ಬಗೆಟ್ ಸರಕಾರೊಗು ಮಾಹಿತಿ ಉಂಡು ಪನ್ದ್ ತೆರಿಪಾದ್ಂಡ್.
ಒವ್ವೇ ಬಾಸೆನ್ 8ನೇ ಪರಿಚ್ಛೇದೊಗು ಗೋಡ್ಯಾವರೆ ನಿರ್ಧಿಷ್ಟವಾಯಿನ ಮಾನದಂಡ ಇಜ್ಜಿ, ತುಳು ಸೇರ್ದ್ ಸುಮಾರ್ ಬಾಸೆಲ್ ಅಪಗಪಗ ಈ ಬೇಡಿಕೆನ್ ದೀವೊಂದುಲ್ಲ. ಈ ಬಗೆಟ್ ಸರಕಾರೊಗು ತೆರಿದುಂಡು ಪನ್ದ್ ಸದು ಬೈದ್ಂಡ್. ತುಳುನು 8ನೇ ಪರಿಚ್ಛೇದೊಗು ಗೋಡ್ಯಾವುನ ಬಗೆಟ್ ಕಾಸರಗೋಡು, ಒಡಿಪು, ಕುಡ್ಲ ಜಿಲ್ಲೆದಕಲೆನ ಬೇಡಿಕೆ ಉಪ್ಪುನ ಸರಕಾರೊಗು ತೆರಿದುಂಡಾ? ಈ ಬಗೆಟ್ ದಾದ ಕ್ರಮ ದೆತೊನ್ದರ್? ಪನ್ದ್ ಚೌಟೆರ್ ಪ್ರಶ್ನೆ ಮಲ್ದಿತ್ತೆರ್.