ಮೆಗ್ಯಲ್ಲೆನ ಕೈಕ್ ರಾಕಿ ಕಟ್ಟ್‌ದ್ ಕಾಯ ಬುಡಿನ ಪಲ್ದಿ: ದುರಂತೊಗು ಸಾಕ್ಷಿ ಆಯಿನ ಕುಟುಮ

Last updated on August 19th, 2024 at 03:11 pm

ಮೆಗ್ಯಲಿಲೆನ ಕೈಕ್ ರಾಕಿ ಕಟ್ಟಿನ ಒಂತೆ ಪೊರ್ತುಡೇ ಪಲಿಯೊರ್ತಿ ತೀರ್ ಪೋಯಿನ ದುರಂತ ನಡಕೆ ತೆಲಂಗಾಣಡ್ ನಡದ್ಂಡ್.

ತೆಲಂಗಾಣದ ಮಹಬೂಬಾಬಾದ್ ಜಿಲ್ಲೆಡ್ ಈ ನಡಕೆ ನಡದ್ಂಡ್. ನರಸಿಂಹಲಪೇಟ್ ಮಂಡಲದ ಕುಗ್ರಾಮದ ಅಪ್ರಾಪ್ತ ಪ್ರಾಯದ ಪೊಣ್ಣು, ಆನ್ ಒರಿಯೆ ಬೆರಿ ತಾಗ್ ದ್ ಕಿರುಕುಳ ಕೊರೊಂದಿತ್ತಿನೆನ್ ತಡೆತೊನರೆ ಆವಂದೆ ಇಸ ದೆತೊನ್ದು ತನ್ನ ಜೀವೊನು ಅಂತ್ಯ ಮಲ್ಪರೆ ಪಿದಡ್ದಿತ್ತೊಲು.

ಅಲೆನ್ ಅಪಗನೇ ಇಲ್ಲದಕುಲು ಆಸ್ಪತ್ರೆಗ್ ಕೊನೊದಿತ್ತೆರ್. ಆಂಡ ಅಲೆನ ಪರಿಸ್ಥಿತಿ ಮಸ್ತ್ ಸೀರಿಯಸ್ ಆಯಿನೇ ಆಲ್ ತನ್ನ ರಡ್ಡ್ ಮೆಗ್ಯಲ್ಲೆಲೆನ್ ಆಸ್ಪತ್ರೆಗ್ ಲೆಪುಡಾದ್ ಅಕಲೆನ ನೆಸಲೆಗ್ ಮುದ್ದ ಕೊರ್ದು ರಾಕಿ ಕಟ್ಟಿಯೊಲು. ರಾಕಿ ಕಟ್ಟ್ ದ್ ಒಂತೆ ಕಡೆಸ್ ದ್ ತೀರ್ ಪೋಯೊಲು ಪನ್ದ್ ತೆರಿದ್ ಬೈದ್ಂಡ್.