Last updated on August 20th, 2024 at 10:54 am
ಪುತ್ತೂರು: ಅರಿಯಡ್ಕ ಗ್ರಾಮೊದ ಕೌಡಿಚ್ಚಾರ್ ಮುಟ್ಟೊದ ಕುರುಂಜ ಮಣ್ಣಾಪು ಪನ್ಪಿನವುಲು ಕಾಡ ಪಂಜಿ ಒಂಜಿ ದಾಳಿ ಮಲ್ತಿನೆರ್ದಾವರ ಸ್ಕೂಟರ್‌ಡ್ ಪೋವೊಂದಿತ್ತಿನ ಕುಂಬ್ರ ಪೆಟ್ರೋಲ್ ಪಂಪ್‌ದ ಮ್ಯಾನೇಜರ್ ಆದುಪ್ಪುನ ಧನುಷ್ ಪನ್ಪಿನಾರೆಗ್ ಗಾತಿದ ಗಡಿಕುಲಾತಿನ ನಡಕೆ ಅ.20 ದ ಕಾಂಡೆ ನಡತ್‌ದ್ಂಡ್.
ಧನುಷ್ ಏಪೊಲ್ದ ಲೆಕ ಕಾಂಡೆ ಸ್ಕೂಟರ್‌ಡ್ ಕುಂಬ್ರ ಪೆಟ್ರೋಲ್ ಪಂಪ್‌ಗ್ ಬರೊಂದುಪ್ಪುನಗ ಒರರ್ದ್ ಒರನೆ ಕಾಡ ಪಂಜಿಯೊಂಜಿ ಧನುಷ್ ಬುಡೊಂದಿತ್ತಿನ ಸ್ಕೂಟರ್‌ದ ಮಿತ್ತ್ ದಾಳಿ ಮಲ್ದ್ಂಡ್. ಈ ಪೊರ್ತುಡು ಅಂಕೆ ತತ್ತ್‌ದ್ ತಿರ್ತ ಬೂರ್ನ ಧನುಷ್‌ರೆನ ಮಿತ್ತ್ ಲಾಗಿದ್ ಆರೆನ ಬಲದ ಕೈಕ್ ತುಚ್ಚಿದ್ ಗಾತಿದ ಗಡಿ ಮಲ್ತಿನತ್ತಂದೆ ಸರ್ರೊದ ಬೇತೆ ಭಾಗೊಲೆಗ್ಲಾ ಗಡಿ ಮಲ್ದ್ಂಡ್. ಪೆಟ್ಟಾತಿನಾರೆನ್ 108 ಆ್ಯಂಬುಲೆನ್ಸ್‌ಡ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್.