ನಾರಾಯಣ ಗುರು ನಿಗಮೊಗು ಅನುದಾನ ತಿಕ್ಕೊಡು : ವೇದವ್ಯಾಸ ಕಾಮತ್

Last updated on August 21st, 2024 at 09:11 am

ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ ಪುದರ್ ಡ್ ಸುರು ಆತಿನ ನಿಗಮೊಗು ಅನುದಾನ ಬೊಕ್ಕ ಅಧ್ಯಕ್ಷೆರೆನ್ ನೇಮಕ ಮಲ್ತ್ ಬಿರುವ ಸಮುದಾಯದ ಅಭಿವೃದ್ದಿಗ್ ಸರಕಾರ ಆದ್ಯತೆ ಮಲ್ಪೊಡು ಪನ್ದ್ ಶಾಸಕೆ ವೇದವ್ಯಾಸ ಕಾಮತೆರ್ ಪನ್ಡೆರ್.

ದ.ಕ. ಜಿಲ್ಲಾಡಳಿತ, ದ.ಕ. ಜಿ. ಪಂ., ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಆಶ್ರಯಡ್ ಕುಡ್ಲದ ಶ್ರೀ ಗೋಕರ್ಣನಾಥೇಶ್ವರ ಕಾಲೇಜಿಡ್ ಅಂಗಾರೆ ನಡತಿನ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ ಆಚರಣೆನ್ ಉದಿಪನ ಮಲ್ತ್ ಆರ್ ಪಾತೆರಿಯೆರ್.

ನಾರಾಯಣ ಗುರುಕುಲೆನ ಪುದರ್ ಡ್ ಕೋಶ ಉಂಡು ಮಲ್ಪುನ ಪೊರ್ತುಡು ಕೋಶ ಬೊಡ್ಚಿ-ನಿಗಮ ಬೋಡು ಪನ್ಪಿನ ಬೇಡಿಕೆ ಇತ್ತ್ಂಡ್. ಅಂಚೆನೆ ನಿಗಮ ಆತ್ಂಡ್. ಆಂಡ, ಪಾಕ ತಿಂಗೊಲು ಕರಿಂಡಲಾ ನನಲಾ ನಿಗಮಗ್ ಅನುದಾನ ಬೈಜಿ. ಅಧ್ಯಕ್ಷರೆನ ನೇಮಕ ಆತಿಜಿ. ಉಂದೆನ್ ಆದ್ಯತೆದ ನಿಲೆಟ್ ಮಲ್ಪೊಡು ಪನ್ದ್ ಪನ್ತೆರ್.