Last updated on August 21st, 2024 at 02:55 pm
ಕಾರ್ಕಳ: ಬಸ್‌ರ್ದ್ ಬೂರ್ದ್ ವಿದ್ಯಾರ್ಥಿ ಒರಿ ತೀರ್ದಿನ ನಡಕೆ ಆ. 21ತಾನಿ ಕಾಂಡೆ ನಿಟ್ಟೆಡ್ ನಡತ್‌ದ್ಂಡ್. ಮಾಳ ಗ್ರಾಮೊದ ಉಕ್ರಟ್ಟೆದ ಜನಿತ್ ಶೆಟ್ಟಿ (19) ತೀರ್ದಿನ ವಿದ್ಯಾರ್ಥಿ. ಮೇರ್ ನಿಟ್ಟೆ ವಿದ್ಯಾಸಂಸ್ಥೆಡ್ ರಡ್ಡನೇ ವರ್ಷೊದ ಬಿಎಸ್ಸಿ ಕಲ್ತೊಂದಿತ್ತ್‌ದ್, ಕಾಂಡೆ ಕಾರ್ಲರ್ದ್ ಕುಡ್ಲಗ್ ಪೋಪುನ ಪ್ರೈವೇಟ್ ಬಸ್‌ಡ್ ಕಾಲೇಜಿಗ್ ಪೋವೊಂದುಪ್ಪುನ ಪೊರ್ತುಡು ಬಸ್‌ರ್ದ್ ತಿರ್ತ್ ಬೂರ್ದೆರ್. ಈ ಪೊರ್ತುಡು ಆರೆನ ಮೆಯಿತ ಮಿತ್ತ್‌ಡೇ ಬಸ್‌ದ ಪಿರವುದ ಚಕ್ರ ಪೋತುಂಡು. ಪೆಟ್ಟಾದಿತ್ತಿನ ವಿದ್ಯಾರ್ಥಿನ್ ಅಪಗನೇ ಗಾಜಿಯಾ ಆಸ್ಪತ್ರೆಗ್ ಲೆತೊಈದು ಪೋದಿತ್ತ್‌ದ್, ಅಲ್ಪರ್ದ್ ಎಚ್ಚಿನ ಮರ್ದ್‌ಗ್ ಮಣಿಪಾಲ ಕೆ.ಎಂ.ಸಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಮರ್ದ್ ಪಲಿಪಂದೆ ಜನಿತ್ ತೀರ್ದೆರ್. ತೀರ್ದಿನ ವಿದ್ಯಾರ್ಥಿ ಅಪ್ಪೆ ಬೊಕ್ಕ ಸಂಗಡಿನ್ ಅಗತ್‌ದೆರ್.
ಕಾಂಡೆ ಬೊಕ್ಕ ಬಯ್ಯ ಕಾರ್ಲ-ಪಡ್ಡೆದ್ರ ಸಾದಿಡೆ ಪೋಪುನ ಬಸ್‌‌ಲೆಡ್ ಕಂಡಾಪಟ್ಟೆ ಜನ ದಿಂಜಿದಿಪ್ಪೆರ್. ವಿದ್ಯಾರ್ಥಿಲು ಬಸ್‌ಲೆನ ಮೊಟ್ಟು‌ಡು ಉಂತೊಂದು ನೇಲೊಂದು ಪೋಪಿನ ದೃಶ್ಯ ದಿನೋಲ ತೂವರೆ ತಿಕ್ಕುಂಡು. ಆಂಡಲಾ ಎಚ್ಚಿನ ಬಸ್ ಸೌಲಭ್ಯ ಮಲ್ತ್ ಕೊರ್ಪುಜೆರ್ ಪಂಡ್‌ದ್ ಸಾರ್ವಜನಿಕೆರ್ ಆರೋಪ ಮಲ್ದೆರ್.