Last updated on August 25th, 2024 at 06:31 pm
ಸಿನಿಮಾ ಸುರು ಆದ್ ಅರ್ಧ ಸಿನಿಮಾ ಮುಗಿದ್ ಪೋಯಿನ ಮುಟ್ಟಲಾ ಬಾಯಿಡೊಂಜಿ ಪಾತೆರ ಬರು “ಪಿಚ್ಚ‌ರ್‌ಗ್ ಪೀಂಕನ್‌ಬಾಯಿ ದಾದಂದೆ ಇಜ್ಜಿ”
ದಾಯೆಗ್ ಪಂಡ ಸಿನಿಮಾದ ಕ್ರಿಯೇಟಿವಿಟಿ ಅಂಚ ಉಂಡು. ಅನರ್‌ಕಲಿ ಸಿನಿಮಾ ತಂಡ ತನ್ನ ಅನರ್‌ಕಲಿ ಸಿನಿಮಾನೇ ಟ್ರೋಲ್ ಮಲ್ತೊಂದು, ತುಳು ಸಿನಿಮಾ ರಂಗದ ಅವಸ್ಥೆನ್ ಜನಕ್ಲೆನ ದುಂಬು ದೀವೊಂದು ಪೋತುಂಡು.
ಸಿನಿಮಾ ಸುರು ಆನಗ ಕಾಮಿಡಿ ಸುರು ಆಂಡ, ಸಿನಿಮಾ ಪೂರ್ತಿ ಕಾಮಿಡಿಯೇ ಕಾಮಿಡಿ. ಅನಗತ್ಯ ಫೈಟ್ ಬೊಡ್ಚಿಂದ್ ಫೈಟ್ ದೀತಿಜೆರ್, ಒಂಜಿ ಸಿಮಿಮಾ ಪಂಡ ಅಲ್ಪ ವಿಲನ್ ಬೋಡೆನಾ ಪನ್ಪಿನ ಪ್ರಶ್ನೆಗ್ ಅನರ್‌ಕಲಿ ಸಿನಿಮಾ… ವಿಲನ್ ದಾಂತೆ ಎಡ್ಡೆಡ್ ಮೂಡುದು ಬೈದ್ಂಡ್.
ಪನಿಲಕ ಸಿನಿಮಾ ತೂಯಿನಕುಲು “ಪೀಂಕನ್‌ಬಾಯಿ ಇಜ್ಜಂದಿನ ಪಿಚ್ಚರ್ ಮಾರೆ” ಪಂದ್ ಸುರುಕು ಪನ್ಪೆರ್.
ಆಂಡ ಟ್ವಿಸ್ಟ್ ಉಪ್ಪುನು ಸಿನಿಮಾದ ಕ್ಲೈಮ್ಯಾಕ್ಸ್‌ಡ್….
ಕಥೆ ದಾದಂದ್ ಗೊತ್ತಾಪಿನೇ ಕ್ಲೈಮ್ಯಾಕ್ಸ್‌ಡ್……
ಪನಿಲಕ ಕಥೆ ದಾದಾಂದ್ ಯಾನ್ ಪನ್ಪುಜಿ.
ಸಿನಿಮಾ ತೂದು ನಿಕುಲೇ ಕಥೆ ತೆರಿಯೊನ್ಲೆ.
ಸಿನಿಮೊಡು ಬ್ಯಾವರ್ಸಿ ಪಂದ್ ಜಾಸ್ತಿ ಗಲಸ್‌ದೆರ್.
ಅವ್ಲಾ ಪೊಕ್ಕಡೆದ್ ಗಲಸ್‌ದಿನಿ ಅತ್ತ್. ಐಕ್‌ಲಾ ಉತ್ತರ ಸಿನಿಮೊಡು ಉಂಡು
ಒಂಜತ್ತೂ ಪನೊಲಿ..
ಸಿನಿಮೊಡು ತೆಲಿಕೆಗ್ ದಾಲ ಕೊರತೆ ಇಜ್ಜಿ.
ಅಕೇರಿಗ್ ಬುಲಿಪರೆ ಉಂಡು.
-Kiran Tuluve