Last updated on September 2nd, 2022 at 02:22 pm
ಕುಡ್ಲಡ್ ನಡಪರೆಗುಪ್ಪುನ ಪ್ರಧಾನಿ ಮೋದಿಯೆರೆನ ಕಾರ್ಯಕ್ರಮೊಗು ಎಚ್ಚಿನ ಸರ್ಕಾರೀ ಬಸ್ಸ್‌ಲ್ ಪೋದಿಪ್ಪುನೆರ್ದಾವರ ಜಿಲ್ಲೆದ ಜನೊಕುಲು ಜೋಕುಲು ಗಾಡಿಲು ತಿಕ್ಕಂದೆ ಬಂಙ ಬತ್ತಿನವು ಅಲ್ಪಲ್ಪ ತೂಯೆರ ತಿಕ್ಕ್ಂಡ್.
ಜಿಲ್ಲಾಡಳಿತೊದ ಈ ನಿರ್ಧಾರ ಜನೊಕ್ಲೆಗ್ ಪಿಸ್‌ರ್ ತರ್ಪಾದ್ಂಡ್. ಗಂಟೆಗಟ್ಲೆ ಕಾತ್‌ದ್ ಬಸ್ಸ್‌ದಾಂತೆ ಎಚ್ಚಿನ ಜೋಕುಲು ಪಿರ ಇಲ್ಲಡೆ ಪೋತಿನಲಾ ಉಂಡು. ಜಿಲ್ಲಾಡಳಿತ ಎದ್‌ರ್ ಪೀರವು ತೂವೊನಂದೆ ಇಂಚಿನ ನಿರ್ಧಾರ ದೆತೊನೆರ ಬಲ್ಲಿತ್ತ್ಂಡ್ಂದ್ ಜನ ಪಾತೆರೊಂದುಲ್ಲೆರ್.
ತುಳುನಾಡ ರಡ್ಡ್ ಜಿಲ್ಲೆಲೆರ್ದ್ ಜನೊಕ್ಲೆನ್ ಲೆತೊಂದು ಬರ್ಯೆರ ಸುಮಾರ್ ರಡ್ಡ್ ಸಾರೊರ್ದ್‌ಲಾ ಮಿತ್ತ್ ಬಸ್ಸ್‌ಲೆನ್ ಬಾಡಿಗೆಗ್ ಕೊರ್ತೆರ್. ಈತ್ ಗೊತ್ತಿತ್ತ್‌ದ್ಲಾ ಕುಡ್ಲಡ್ ರಜೆ ಕೊರಿಲೆಕ್ಕ ಜಿಲ್ಲೆದ ಬೇತೆ ಕಡೆಟ್ ರಜೆ ಕೊರ್ತೊಲಿ ಅತ್ತ್ಂಡ ದುಂಬೇ ತೆರಿಪಾದೊಲಿ ಪನೊಂದು ಜನ ಜಿಲ್ಲಾಡಳಿತೊಗು ನೆರೊಂದಿತ್ತೆರ್.
