ಕಡಬ : ಶಾಲೆದ ಕಟ್ವಾನ ಪಗಿದ್ ನಾಲ್ ಜೋಕುಲೆಗ್ ಗಡಿ – ಇಂಜಿನಿಯರ್ ಬೊಕ್ಕ ಹೆಡ್ ಮಾಸ್ಟರ್ ಸಸ್ಪೆಂಡ್

Last updated on August 28th, 2024 at 05:22 pm

ಕಡಬ ತಾಲೂಕುದ ಪೆರಾಬೆ ಗ್ರಾಮದ ಕುಂತೂರು ಸರಕಾರಿ ಪೆರಿಯ ಪ್ರಾಥಮಿಕ ಶಾಲೆದ ಕಟ್ವಾನದ ಒಂಜಿ ಭಾಗ ಪಗಿನ ನಡಕೆ ಅಂಗಾರೆ ನಡದ್ಂಡ್.

ಈ ಪ್ರಕರಣೊಟು ಇಂಜಿನಿಯರ್ ಬೊಕ್ಕ ಶಾಲೆದ ಮುಖ್ಯ ಶಿಕ್ಷಕೆರೆನ್ ಜಿಲ್ಲಾಧಿಕಾರಿಲೆನ ಆದೇಶದ ಮಿತ್ತ್ ಸಸ್ಪೆಂಡ್ ಮಲ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಶಾಲಾ ಕಟ್ವಾನದ ಒಂಜಿ ಭಾಗ ಪಗಿದ್ ನಾಲ್ ಜೋಕುಲೆಗ್ ಪೆಟ್ಟಾತ್ಂಡ್. ಎಚ್ಚಿನ ಜೋಕುಲು ಕಲೊಟು ಇತ್ತಿನೆರ್ದಾವರ ಮಲ್ಲ ಅನಾಹುತ ತತ್ತ್ಂಡ್.

ಪಗಿದಿನ ಕಟ್ವಾನ ಸುಮಾರ್ 50 ವರ್ಸ ಪಿರಾಕ್ ದ, ಸಮಗಟ್ಟ್ ಪಾಯ ದಾಂತಿನೆರ್ದಾವರ ಕುಸ್ಕುದು ಬೂರರೆ ನೆವನ ಆದಿಪ್ಪು. ಶಾಲಾ ಕಟ್ವಾನದ ಪಿರವುಡು ತಡೆಗೋಡೆ ನಿರ್ಮಿತರೆ ಮಿಷಿನ್ ಗಲಸ್ ದ್ ಟ್ರೆಂಚ್ ತೋಡೊಂದಿಪ್ಪುನಗ ಈ ಕಟ್ವಾನ ಪಗಿಂಡ್. ಈ ಕಟ್ವಾನೊಡು ಬಲ ಇಜ್ಜಿ ಪನ್ದ್ ತೆರಿದ್ಲಾ ತಾಪುರ್ತೋಪು ಅಮಸರೊಟು ಬೇಲೆ ಸುರು ಮಲ್ದಿನವು ಊರ್ದಕಲೆನ ಅಂಚೆನೆ ಜೋಕುಲೆನ ಪೆದ್ದಿನಕಲೆನ ಪಿಸಿರ್ ಗ್ ನೆವನ ಆದುಂಡು.