ತುಳುನು ಕರ್ನಾಟಕದ ರಡ್ಡನೇ ಅಧಿಕೃತ ಭಾಷೆ ಮಲ್ಪರೆ ಚದಿಟ್ ಅಧಿಕಾರಿಲೆನ ಬೆರಿ ತಾಗಿನ ಶಾಸಕೆ ಅಶೋಕ್ ರೈಕುಲು

Last updated on August 29th, 2024 at 04:28 pm

ಬೆಂಗಳೂರು: ತುಳು ಭಾಷೆನ್ ಕರ್ನಾಟಕೊದ ರಡ್ಡನೇ ಎಚ್ಚಿಗೆದ ಅಧಿಕೃತ ಭಾಷೆಯಾದ್ ಘೋಷಣೆ ಮನ್ಪುನ ವಿಚಾರೊಗು ಸಂಬಂಧಿತ್‌ದ್ ಕನ್ನಡ ಬೊಕ್ಕ ಸಂಸ್ಕ್ರತಿ ಇಲಾಖೆದ ಮುಖ್ಯ ಕಾರ್ಯಂತೆರ್ ಡಾ. ಅಜಯ್ ನಾಗಭೂಷಣ್ ಮೆರೆಡ ಶಾಸಕೆ ಅಶೋಕ್ ರೈಕುಲು ಪಾಕ ಪೊರ್ತು ಪಾತೆರ್ಯೆರ್.

ಸುಮಾರ್ 60 ವರ್ಸೊರ್ದಿಂಚಿ ತುಳುವೆರೆಗ್ ಪಗೆಲ್‌ಕನೊತ ಲೆಕ ಆದುಪ್ಪುನ ತುಳುಕು ಅಧಿಕೃತ ಮಾನಾದಿಗೆಗ್ ಇತ್ತೆ ಬಾರೀ ಬರಸ್‌ದ ಬೇಲೆ ಆವೊಂದುಂಡು. ಈ ಸರ್ತಿ ಆಂಡಲಾ ನಮ ಮಾತೆರ್ನಲಾ ಉಡಲ ಅಂಗಲ್ಪು ಈಡೆತ್ತಡ್.