ಮೂವೀ, ರೀಲ್ಸ್ ಆಂಡ್ ಇತ್ತೆ ಬೆಂಗಳೂರುದ “ಬೀದಿಗಳಲ್ಲಿ ಪಂಜುರ್ಲಿ ಕುಣಿತ”

Last updated on September 6th, 2024 at 03:09 pm

ತುಳುವೆರೆ ಆಚಾರ ವಿಚಾರ ನಂಬೊಲಿಗೆಲು ದುಂಬುರ್ದಿಂಚಿಲಾ ಗಟ್ಟದ ಆಮೆಯಿತ ಒಂಜಾತ್ ಜನೊಕುಲೆಗ್ ಏಪೊಲಾ ಮಕ್ಕರ್‌ದ ಸೊತ್ತೇ ಆದಿತ್ತ್ಂಡ್, ಇತ್ತೆಲಾ ಅಂಚೆನೇ. ಕಾಂತಾರ ಪಿಚ್ಚರ್ ಬತ್ತಿನೇ ಈ ಕೋಂಗಿಗ್ ಒಡ್ಕನೇ ಇಜ್ಜಿ.

ತುಳುವೆರ್ ಆವೇತ್ ಕೈ ಜೋಡಾದ್ ನಟ್ಟ್ಂಡಲಾ ಕೆಲದಕ್ಲೆನ ದಪ್ಪಮಂಡೆದ ಉಲಯಿ ಈ ಇಸಯೊಲು ಪೊಗ್ಗುನೇ ಇಜ್ಜಿ. ಕುಡೊರ್ಯನ ಬಾಸೆಗ್, ನಂಬೊಲಿಗೆಗ್ ಮಕ್ಕರ್ ಮನ್ಪಂದೆ, ಅವೆನ್ ವಿಕೃತವಾದ್ ತೋಜಾವಂದೆ ಅಕಲೆಗ್ ತಿಂದಿನ ಮೆಯಿಕ್ ಜಪ್ಪುನೇ ಇಜ್ಜಿ ತೋಜುಂಡು.

ಮುಂಬೈಡ್ ದೈವೊದಲೆಕಂದಿನ ಗಣಪತಿನ ಒರು ಒಂಜಿ ಕಡೆಟ್ ಆಂಡ, ಬೆಂಗಳೂರೂದ ನಾಗದೇವರಹಳ್ಳಿದ ಕತೆ ಬೇತೆನೇ. ಮೊಕುಲು ಪೊಸತಾದ್ ‘ಪಂಜುರ್ಲಿ ಕುಣಿತ’ ಸುರು ಮಲ್ದೆರ್. ಶ್ರೀ ಶಂಕರ್ ನಾಗ್ ವಿನಾಯಕ ಗೆಳೆಯರ ಬಳಗ ಪನ್ಪಿನ ಒಂಜಿ ಕೂಟದಕುಲು ಅಟ್ಟನೆ ಮಲ್ದಿನ ಶ್ರೀ ವಿನಾಯಕ ವಾರ್ಷಿಕೋತ್ಸವ ಪನ್ಪಿ ಲೇಸ್‌ಡ್ ತುಳುನಾಡ್‌ಡ್ ಪೆದ್ದ್ಂಡ ಅಪ್ಪೆ ಸಾಂಕ್ಂಡ ಸಮ್ಮಲೆ ಪಂದ್ ನಂಬೊಂದು ಬೈದಿನ ಸತ್ಯೊದ ಏಸ ಪಾಡೊಂದು ಸಾದಿ ಸಾದಿಡೆ ನಲಿಪೆರ ಪಿದಾಡ್ದೆರ್. ಓಡೆ ಎತ್ತ್ಂಡ್ ನಮ್ಮ ದೈವಾರಾಧನೆ!!!