Last updated on September 10th, 2024 at 10:22 am
ರಿಕ್ಷೊನು ತೂವಂದೆ ರೋಡ್ ಕಡಪರೆ ಬತ್ತಿನ ಅಪ್ಪೆ ರಿಕ್ಷೊಗು ಎಡ್ತ್ ಅಡಿಕ್ ಬೂರಿನೆನ್ ತೂಯಿನ ಅಲ್ಪನೇ ಇತ್ತಿನ,7ನೇ ಕ್ಲಾಲ್ ಡ್ ಕಲ್ಪುನ ಮಗಲ್ ವೈಭವಿ ಪಾರ್ ಬತ್ತ್, ರಿಕ್ಷೊನೇ ದೆರ್ತ್ ಅಪ್ಪೆನ್ ರಕ್ಷಿತಿನ ನಡಕೆ ಕಿನ್ನಿಗೋಳಿಡ್ ನಡದ್ಂಡ್. ಉಂದೆಕ್ ಇತ್ತೆ ಸಿಎಂಲಾ ಟ್ವಿಟರ್‌ಡ್ ಪಟ್ಟೊಂಡು ಪುಗರ್ದೆರ್.
ಕಿನ್ನಿಗೋಳಿ ರಾಮನಗರೊಡು ಟ್ಯೂಷನ್‌ಗ್ ಪೋದಿತ್ತಿನ ಮಗಲೆನ್ ಲೆತೊಂದು ಬರ್ಪೆ ಪೋತಿನ ಅಪ್ಪೆ ರೋಡು ಕಡಪುನಗ ರಿಕ್ಷೊಗು ಎಡ್ತೆರ್. ಅಪಗ ಮಗಲ್ ಪಾರ್ ಬತ್ತ್ ರಿಕ್ಷಾ ದೆರ್ತಿನ ಸಿಸಿಟಿವಿಡ್ ರೆಕಾರ್ಡ್ ಆತ್ಂಡ್. ಇತ್ತೆ ಅಪ್ಪೆ ತೊರತ್ತಲ್‌ದ ಆಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್. ಅರೆನ ಬೆರಿಮುಲ್ಲುಗು ಪೆಟ್ಟಾತ್ಂಡ್ ಪನ್ದ್ ತೆರಿದ್ ಬೈದ್ಂಡ್.