Last updated on September 12th, 2024 at 03:45 pm
ಪುತ್ತೂರು : ಸೆ:12 ರಿವರ್ಸ್ ದೆಪ್ಪುನಗ ಡ್ರೈವರ್‌ನ ಅಂಕೆ ತತ್ತಿನ ಕಾರ್ ಪಿರವುಡಿತ್ತಿನ ಚರ್ಮ್ಬುರಿ ಸ್ಟಾಲ್‌ಗ್ ಪೊಗ್ಗುದು ಇರ್ನೆರೆಗ್ ಗಡಿಕುಲಾತಿನ ನಡಕೆ ಪುತ್ತೂರುದ ಕಿಲ್ಲೆ ಮೈದಾನೊಡು ಸೆ 12 ತಾನಿ ನಡತ್‌ದ್ಂಡ್.
ಚರ್ಮ್ಬುರಿ ಅಂಗಡಿದ ಜನ ಅಂಚೆನೇ ಕುಡ ಇರ್ವೆರ್ ಎಲ್ಯೆಲ್ಯ ಗಡಿಕುಲಾದ್ ಬಚಿವಾತೆರ್. ಚೌತಿದ ಲೆಕ್ಕೊಡು ಪಾಡ್ದಿತ್ತಿನ ಅಂಗಡಿಯಾದಿತ್ತ್‌ದ್, ಕಾರು ಪೊಗ್ಗಿನೆರ್ದಾವರ ಅಲಕ್ಕ ಪೊಡಿಯಾತ್ಂಡ್.
ಪೆಟ್ಟಾತಿನಕಲೆನ್ ಪುತ್ತೂರು ಆಸ್ಪತ್ರೆಗ್ ದಾಕಲ್ತ್‌ದ್ಂಡ್. ಕಾಸ್ರೋಡ್ ಮೂಲೊದ ವೆಂಕಟರಮಣ ಭಟ್ ಪನ್ಪಿನಾರೆಗ್ ಸೇರ್ದಿನ ಕೇರಳ ರಿಜಿಸ್ಟ್ರೇಷನ್ (ಕೆ ಎಲ್ 1 1 ಎನ್ 6809) ಇತ್ತಿನ, ಎಡ್ತಿನ ಕಾರ್‌ನ್ ಟ್ರಾಫಿಕ್ ಸ್ಟೇಶನ್ ಪೊಲೀಸೆರ್ ನಡಕೆ ನಡತಿನಡೆ ಬತ್ತ್‌ದ್ ವಶೊಕು ಗೆತೊಂದೆರ್.