Last updated on September 19th, 2024 at 03:33 pm
ಕುಡ್ಲ: ತಾನ್ ಕಲ್ತಿನ ಕಾವೂರು ಸರಕಾರಿ ಶಾಲೆನ್ ಮದಪಂದಿನ ಉದ್ಯಮಿಯೊರಿ ಒಂಜಿ ಕೋಟಿ ದೇಣಿಗೆ ಕೊರ್ದು ಪೊಸ ಕಟ್ವಾನ ಕಟ್ಟೆರೆ ಕೈ ಗೋಡ್ಯಾದಿತ್ತ್‌ದ್, ಉಂದೆತ ಶಂಕು ಸ್ಥಾಪನೆನ್ ಶಾಸಕೆ ಡಾ. ಭರತ್ ಶೆಟ್ಟಿ ಮಲ್ತೆರ್.
ದ.ಕ.ಜಿ.ಪಂ. ಮಾದರಿ ಪೆರಿಯ ಪ್ರಾಥಮಿಕ ಶಾಲೆ ಕಾವೂರು ಉಂದೆತ ಪೊಸ ಕಟ್ವಾನೊದ ಶಂಕುಸ್ಥಾಪನೆ ಕೋಡೆ, ಬುದಾರ ಕಾಂಡೆ ನಡತ್ಂಡ್. ಶಾಲೆದ ಪರರ ವಿದ್ಯಾರ್ಥಿ ಸಂಘೊದ ಗುರ್ಕಾರೆ ಕೇಶವ ಅಮೀನ್ ಮೇರ್ ಅಂದಾಜಿ 1 ಕೋಟಿ ರೂ. ಕರ್ಚಿಡ್ ಕಟ್ವಾನೊದ ಬೇಲೆಗ್ ಜತ್ತ್‌ದಿತ್ತ್‌ದ್ ಬಡಕಾಯಿ ಕುಡ್ಲ ಕ್ಷೇತ್ರೊದ ಶಾಸಕೆ ಡಾ.ಭರತ್ ಶೆಟ್ಟಿ ವೈ. ಮೇರ್ ಶಂಕುಸ್ಥಾಪನೆ ಮಲ್ತ್‌ದ್ ಪಾತೆರ್ಯೆರ್.
“ಸರಕಾರಿ ಶಾಲೆಲೆಗ್ ಜೋಕುಲಿಜ್ಜಂದೆ, ಬೋಡಾಪಿನ ಕಟ್ವಾನೊ ಬೊಕ್ಕ ಮೂಲಭೂತ ಸೌಲಭ್ಯೊಲು ಇಜ್ಜಂದೆ
ಇಪ್ಪುನ ಪೊರ್ತುಡು ಕೇಶವ ಅಮೀನೆರ್ ತಾನ್ ಕಲ್ತಿನ ಸರಕಾರಿ ಶಾಲೆದ ಬುಲೆಚ್ಚಿಲ್‌ಗ್ ಜತ್ತ್‌ದಿನ ಪುಗರೊಡಾಯಿನ ವಿಚಾರ. ಆರ್ 7 ಅದೆಕುಲೆನ ನಿರ್ಮಾಣೊಗು ಅಂದಾಜಿ 1 ಕೋಟಿ ರೂ. ದೇಣಿಗೆ ಕೊರ್ದು ಬಾಕಿದಕ್ಲೆಗ್ ಮಾದರಿಯಾತೆರ್. ಸರಕಾರೊರ್ದು ತಿಕ್ಕುನ ಮಾತಾ ಸೌಲಭ್ಯೊಲೆನ್ ಗಲಸೊಂದು ಕಾವೂರು ಶಾಲೆನ್ ಮಾದರಿ ಶಾಲೆ ಮನ್ಪೆರ ಪುಣೆಕ” ಪಂದ್ ಪಂಡೆರ್.
ಉದ್ಯಮಿ ಕೇಶವ ಅಮೀನ್ ಪಾತೆರ್ದ್, “ಶಾಲೆದ ಪರ ವಿದ್ಯಾರ್ಥಿಲು ಒಟ್ಟು ಸೇರ್ದ್ ಎಂಕ್ ಈ ಅವಕಾಶೊನು ಕೊರ್ತೆರ್. ಉಂದು ಯಾನ್ ಕಲ್ತಿನ ಶಾಲೆ ಬೊಕ್ಕ ಎನ್ನ ಊರುಗು ಕೊರ್ಪುನ ಕೊರ್ಪುಗೆ. ಶಾಲೆದ ಮಾತಾ ಪರ ವಿದ್ಯಾರ್ಥಿಗಳು ನಮ್ಮ ಒಟ್ಟುಗು ಕೈ ಗೋಡ್ಯಾಲೆ”ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಬಡಕಾಯಿ ಕುಡ್ಲ ವಲಯ ಕ್ಷೇತ್ರ ಶಿಕ್ಷಣಾಧಿಕಾರಿ ಜೇಮ್ಸ್ ಕುಟಿನ್ಹೊ, ಕಾರ್ಪೋರೇಟರ್ ಸುಮಂಗಲಾ ರಾವ್, ಸಿ.ಆರ್.ಪಿ. ದೀಪಿಕಾ ಶೆಟ್ಟಿ, ಪರ ವಿದ್ಯಾರ್ಥಿ ಸಂಘೊದ ಉಪಾಧ್ಯಕ್ಷೆ ಚಂದ್ರಹಾಸ, ಕಾರ್ಯದರ್ಶಿ ವಿಕೇಶ್ ಬೊಕ್ಕ ಲಾವಣ್ಯ ಶೆಟ್ಟಿ, ವಕೀಲೆ ಗುರುಪ್ರಸಾದ್, ನಿವೃತ್ತ ಮುಖ್ಯ ಶಿಕ್ಷಕಿ ಚಂದ್ರಾವತಿ, ನಿವೃತ್ತ ಮುಖ್ಯ ಶಿಕ್ಷಕೆ ಸುರೇಂದ್ರನಾಥ ಶೆಟ್ಟಿ, ನಿವೃತ್ತ ಮುಖ್ಯ ಶಿಕ್ಷಕೆ ಭುಜಂಗ ಪೂಜಾರಿ, ಶಾಲಾಭಿವೃದ್ಧಿ ಸಮಿತಿ ಬೊಊ ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷೆ ಲಕ್ಷ್ಮಣ ಛಲವಾದಿ, ಪದಾಧಿಕಾರಿಲಾಯಿನ ನಿತೇಶ್ ಕಾವೂರು, ಅಜಿತ್, ಶಿತೇಶ್ ಕೊಂಡೆ, ಸಮಾಜ ಸೇವಕೆ ಹಸನಬ್ಬ, ಪೆಲ್ಸಿ ರೇಗೋ
ಅಶ್ವಿನಿ, ಗೋಕುಲ್ ದಾಸ್ ಪ್ರಭು, ಅರ್ಚನಾ, ಕೃಷ್ಣಪ್ಪ ಸಾಲ್ಯಾನ್, ಕುಸುಮಕರ್, ಶಾಲಾ ಶಿಕ್ಷಕೆರ್, ಪರ ವಿದ್ಯಾರ್ಥಿ ಸಂಘೊದ ಪದಾಧಿಕಾರಿಲು ಬೊಕ್ಕ SDMC ಪದಾಧಿಕಾರಿಲು ಒತ್ತುಪಾಲಿತ್ತೆರ್.
ಶಾಲೆದ ಮುಖ್ಯ ಶಿಕ್ಷಕಿ ಸೀತಮ್ಮ.ಜೆ ಲೇಸ್ ಸುದಾರಿಕೆ ಮಲ್ತೆರ್.