ತುಳು ಅಧಿಕೃತಗಾದ್ ಸಿಎಂಗ್  ಬಿನ್ನಪ ಮಲ್ತಿನ ತುಳು ಅಕಾಡೆಮಿ ಗುರ್ಕಾರೆ ತಾರಾನಾಥ ಗಟ್ಟಿ ಕಾಪಿಕಾಡ್

Last updated on September 20th, 2024 at 07:52 pm

ಬೆಂಗಳೂರು: ತುಳು ಭಾಷೆನ್ ಕರ್ನಾಟಕೊದ ಎಚ್ಚಿಗೆದ ಅಧಿಕೃತ ಭಾಷೆಯಾದ್ ಘೋಷಣೆ ಮನ್ಪೊಡು ಪನ್ದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲು ತಾರಾನಾಥ ಗಟ್ಟಿ ಕಾಪಿಕಾಡ್ ಬಿನ್ನಪ ಮಲ್ದೆರ್.

ಬೆಂಗಳೂರ್‌ಡ್ ಗುರುವಾರ ಮುಖ್ಯಮಂತ್ರಿಲೆನ ಗುರ್ಕಾರ್ಮೆಡ್ ರಾಜ್ಯೋತ್ಸವದ ಅಟ್ಟನೆದ ಬಗೆಟ್ ಅಂಚೆನೇ ಕರ್ನಾಟಕ ಸುವರ್ಣ ಸಂಭ್ರಮ ಸಮಾರೋಪ ಕಾರ್ಯಕ್ರಮೊದ ಬಗೆಟ್ ಮಾತಾ ಅಕಾಡೆಮಿ, ಪ್ರಾಧಿಕಾರೊದ ಅಧ್ಯಕ್ಷೆರೆ ಸಭೆಟ್ ಆರ್ ಈ ಆಗ್ರಹ ಮಲ್ದೆರ್.

ಸಭೆಟ್ ಇತ್ತಿನ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವೆ ಶಿವರಾಜ್ ತಂಗಡಗಿ ಸಿಎಂಗೊ ಒಲವು ಕೊರ್ದು, ಎಚ್ಚಿಗೆದ ಅಧಿಕೃತ ಭಾಷೆಲೆನ್ ಜಾರಿ ಮಲ್ದಿನ ಬೇತೆ ಬೇತೆ ರಾಜ್ಯೊಲೆನ ವರದಿ ತೆರಿಪಾಯೆರ್. ಬೇಗೊಡೇ ತುಳುವೆರೆಗ್ ಚೀಪೆ ಸುದ್ದಿ ಕೊರ್ಪ ಪಂದ್ ಪಂಡೆರ್.