Last updated on September 29th, 2024 at 03:09 pm
ಬೆಂಗಳೂರು : ತನ್ನ ಮಿತ್ತ್ ಸಾಲ್ ಸಾಲ್ ಆರೋಪ ಮಲ್ತಿತ್ತಿನ ಕೇಂದ್ರ ಸಚಿವೆ ಹೆಚ್‌ಡಿ ಕುಮಾರಸ್ವಾಮಿಗ್ ಲೋಕಾಯುಕ್ತ ಎಸ್ಐಟಿ ADGP ಚಂದ್ರಶೇಖರ್ ಪತ್ರಿಕಾ ಪ್ರಕಟಣೆ ಬುಡುಗಡೆ ಮಲ್ತ್‌ದ್ ಪಾತೆರೊಲೆಡೇ ಕೊಲ್ತ್‌ದ್ ಸಿಬಂದಿಲೆಗ್ ಧೈರ್ಯ ದಿಂಜಾದ್ ಓಲೆ ಬರೆತೆರ್.
ಲೋಕಾಯುಕ್ತ ಎಸ್ಐಟಿ ಎಡಿಜಿಪಿ, ಪೆರಿಯ ಐಪಿಎಸ್ ಅಧಿಕಾರಿ ಚಂದ್ರಶೇಖರ್ ಮಙರ್ (ADGP Chandrashekar) ತನ್ನ ಮಿತ್ತ್ ಸಾಲ್ ಸಾಲ್ ಆರೋಪ ಮಲ್ದಿನ ಮಾಜಿ ಮುಖ್ಯಮಂತ್ರಿ, ಕೇಂದ್ರ ಸಚಿವೆ ಹೆಚ್‌ಡಿ ಕುಮಾರಸ್ವಾಮಿ ಮೆರೆಗ್ (HD Kumaraswamy) ಓಲೆದ ಮುಕೇನ ಟಾಂಗ್ ಕೊರ್ದು, ಅವ್ವೇ ಓಲೆಡ್ ಪಂಜಿದ ಒಟ್ಟುಗು ಲತ್ತ್‌ದ್ ಪಾತೆರ ಬುಡುಗಡೆ ಮಲ್ದೆರ್. ಗಂಗೇನಹಳ್ಳಿದ 1 ಎಕರೆ 11 ಗುಂಟೆ ಭೂಮಿ ಡಿನೋಟಿಫಿಕೇಷನ್‌ಡ್ ಕುಮಾರಸ್ವಾಮಿ, ಲೋಕಾಯುಕ್ತ ಎಸ್ಐಟಿ ವಿಚಾರಣೆಗ್ ಬತ್ತಿನ ಬೆರಿಟೇ ಪ್ರೆಸ್ ಮೀಟ್‌ಡ್ ಐಪಿಎಸ್ ಅಧಿಕಾರಿನ ಮಿತ್ತ್ ತನ್ನ ಪಿಸ್‌ರ್ ತೋಜಾದಿತ್ತೆರ್. ಸೆಪ್ಟೆಂಬರ್ 28ದ ಶನಿವಾರ ಪತ್ರಿಕಾಗೋಷ್ಠಿ ಮಲ್ತಿನ ಹೆಚ್‌ಡಿಕೆ, ಎಡಿಜಿಪಿ ಚಂದ್ರಶೇಖರ್‌ನ ಮಿತ್ತ್ ತಾರಾಯರ ಆರೋಪ ಮಲ್ತಿತ್ತೆರ್. ಸೋದ್ಯ ದಾಜ ಪಂಡ ಕುಮಾರಸ್ವಾಮಿ ಡಿನೋಟಿಫಿಕೇಷನ್ ಪ್ರಕರಣೊನು ಚಂದ್ರಶೇಖರೇ ಜಡ್ತೆ ಮಲ್ತೊಂದುಲ್ಲೆರ್. ರಾಜ್ಯಪಾಲೆರೆ ಆಫೀಸ್ ಪರಿಶೀಲನೆ ಮನ್ಪೊಡು ಪನ್ಪಿನೆತ ಬಗೆಟ್ ಪ್ರತಿಕ್ರಿಯೆ ಕೊರ್ನ ಹೆಚ್‌ಡಿಕೆ, ಲೋಕಾಯುಕ್ತ ಎಸ್ಐಟಿ ಚಂದ್ರಶೇಖರ್‌ನ ಬಗೆಟ್ ಕೊಲ್ತ್‌ದ್ ಪಾತೆರ್ಯೆರ್. ಅತ್ತಂದೆ, ಮಾನ್ಯತಾ ಟೆಕ್ ಪಾರ್ಕ್‌ಡ್ 38 ಮಾಲಿಗೆದ ಬಿಲ್ಡಿಂಗ್‌ನ್ ತನ್ನ ಬೊಡೆದಿನ ಪುದರ್‌ಡ್ ಕಟ್ಟಾವೊಂದುಲ್ಲೆರ್. ಆರ್ ಕಾನೂನುಗು ತತ್ತ್‌ದ್ ಮುಲ್ಪನೇ ಉಲ್ಲೆರ್ ಪಂದ್ ಕುಮಾರಸ್ವಾಮಿ ಆರೋಪ ಮಲ್ತಿತ್ತೆರ್.
ADGP ನ ಓಲೆಡ್ ಜಾಮೀನ್‌ಡ್ ಪಿದಯಿ ಇಪ್ಪುನ ಈ ಆರೋಪಿ, ನಮ್ಮ ಬೇಲೆಗ್ ಅಡ್ಡ ಬರ್ಯೆರ ಇಂಚ ಆರೋಪ ಮಲ್ತೊಂದುಲ್ಲೆ. ಎನ್ನ ಮಿತ್ತ್ ದಾಳಿ ಮಲ್ತ್‌ದ್ ಎಸ್ಐಟಿ ಅಧಿಕಾರಿಲೆಡ ಟೋಡಿಗೆ ಪುಟ್ಟಾದ್, ಮನೋಬಲ ಕಮ್ಮಿ ಮನ್ಪುನ ಉದ್ದೇಶ ತೋಜುಂಡು. ಒರಿ ಆರೋಪೀ ಏತೇ ಮಲ್ಲ ಜನ ಆವಡ್, ಏತೇ ಶೌರ್ಯ ಇತ್ತಿನಾಯೆ ಆವಡ್, ಆಯೆ ಆರೋಪಿಯೇ. ಇಂಚಿನ ಆರೋಪೊಲೆನ್ ನಿಕುಲು ಗೆನ್ಪೊರ್ಚಿ, ನಿಕ್ಲೆನ ರಕ್ಷಣೆಗ್ ಯಾನ್ ಉಲ್ಲೆ ಪಂದ್ ಸಿಬ್ಬಂದಿಲೆಗ್ ತೆರಿಪಾದೆರ್.
ಅವೇ ಓಲೆಡ್, ಜಾರ್ಜ್ ಬರ್ನಾರ್ಡ್ ಷಾ ರೆನ ‘ಪಂಜಿಲೆಡ ಕುಸ್ತಿಗ್ ಪೋವರೆ ಬಲ್ಲಿ, ಇರ್ವೆರೆ ಮಿತ್ತ್‌ಲಾ ಕೆಸರ್ ಆಪುಂಡು, ಆಂಡ ಪಂಜಿಗ್ ಅವ್ವೇ ಇಷ್ಟ’ ಪನ್ಪಿನ ಪಾತೆರೊನು ಕುಮಾರಸ್ವಾಮಿಗ್ ಟಾಂಗ್ ದೀಲೆಕ ಪಂಡ್‌ದ್ ನಮ ನಮ್ಮ ಬೇಲೆಗ್ ಗೇನ ಕೊರ್ಕ ಪಂದ್ ಸಿಬ್ಬಂದಿಲೆಗ್ ಧೈರ್ಯ ದಿಂಜಾದೆರ್.