ಉಳ್ಳಾಲ : ತುಳು ರಾಜ್ಯ ಪೊರುಂಬಾಟ ದುಂಬರಿಯುಂಡು

Last updated on September 30th, 2024 at 07:58 pm

ಪಂಚದ್ರಾವಿಡ ಭಾಷೆಲೆಡ್ ಒಂಜಾಯಿನ ತುಳುಕು ಭಾಷೆದ ಲೆಕ್ಕೊಡು ರಾಜ್ಯ ಆನಗ ಮಾನ್ಯತೆ ತಿಕ್ಕ್‌ದಿತ್ತಿಜಿ. ಅಪ್ಪೆ ಬಾಸೆನ್ ಒರಿಪಾವುನ ಮಾತೆರೆನ ಕರ್ತವ್ಯ. ಉಂದೇ ಉದ್ದೇಶೊಡು ಸುರು ಆಯಿನ ಸಂಘಟನೆಗ್ ಮಾಜಿ ಮೇಯರ್ ಸುಧೀರ್ ಶೆಟ್ಟಿ ಕಂಪ್ಯೂಟರ್ ಕೊರಿಯೆರ್ ಅಂಚೆನೆ ಕರ್ನಾಟಕ ಬ್ಯಾಂಕ್ ಕಾರ್ ಕೊರುಂಡು. ತುಳು ಬಾಸೆನ್ 8ನೇ ಪರಿಚ್ಛೇದೊಗು ಗೋಡ್ಯಾವುನ ಪೊರುಂಬಾಟೊಗು ಬಲ ತಿಕ್ಕುಂಡು ಅಂಚೆನೆ ತುಳುರಾಜ್ಯ ಕಟ್ಟುನ ಕನೊಟು ನಮ ಉಲ್ಲ ಪನ್ದ್ ನಮ್ಮ ತುಳುನಾಡ್ ಟ್ರಸ್ಟ್ ದ ಗೌರವ ಅಧ್ಯಕ್ಷೆರಾಯಿನ ಹರಿಕೃಷ್ಣ ಪುನರೂರು ಪನ್ಡೆರ್.

ಇಂಚೊಗು ತುಳು ಭಾಷೆ ಪಾತೆರುನನೇ ಕಮ್ಮಿ ಆತ್ಂಡ್. ಒಡಿಪು ಮಠದ ಸ್ವಾಮಿನಕುಲು ತುಳು  ಲಿಪಿಟೇ ದಸ್ಕತ್ ಪಾಡೊಂದಿತ್ತೆರ್. ಜೋಕುಲೆಗ್ ತುಳು ಬಾಸೆ ಅಂಚೆನೆ ಅವೆತ ಹಿನ್ನೆಲೆ ತೆರಿಪಾವುನ ಕಜ್ಜೊಲಾವೊಡು. ಈ ದಿಸೆಟ್ ಪ್ರಚಾರೊಗು ಪೋವರೆ ಗಾಡಿದ ಅಗತ್ಯ ಇತ್ತ್ಂಡ್. ಅವೆನ್ ಕರ್ನಾಟಕ ಬ್ಯಾಂಕ್ ಕೊರಿನವು ಅಭಿನಂದನೀಯ ಪನ್ದ್ ಪನ್ಡೆರ್. ಈ ಪೊರ್ತುಡು ಸ್ಥಾಪಕ ಅಧ್ಯಕ್ಷೆರ್ ಸುಧಾಕರ ಶೆಟ್ಟಿ ಉಲ್ಲಾಲ, ಅಧ್ಯಕ್ಷೆರ್ ರೋಹಿತಾಶ್ವ, ಕರ್ನಾಟಕ ಬ್ಯಾಂಕ್ ತೊಕ್ಕೊಟ್ಟುದ ಪ್ರಬಂಧಕೆರಾಯಿನ ದೀಪಕ್ ಶೆಣೈ ಅಂಚೆನೆ ಟ್ರಸ್ಟ್ ದ ಪದುಕೆರ್ ಇತ್ತೆರ್.

ಕರ್ನಾಟಕ ಬ್ಯಾಂಕ್ ದ ಪದುಕೆರ್ ಪಾತೆರ್ದ್ ಕರ್ನಾಟಕ ಬ್ಯಾಂಕ್ ಪಾಕ ಸಮಾಜಮುಖಿ ಬೇಲೆಲೆನ್ ಮಲ್ಪುವ, ಅಂಚೆನೆ ತುಳುನಾಡ್ ದ ಬುಲೆಚ್ಚಿಲ್ ಗ್ ಮಾತಾ ರೀತಿದ ಸಹಕಾರೊನು ಎಂಕುಲು ಕೊರ್ಪ ಪನ್ದ್ ಪನ್ಡೆರ್.