Last updated on October 2nd, 2024 at 08:39 am
ಬೊಲ್ತೇರ್ ಅಕ್ಟೋಬರ್ 1: ಇಲ್ಲಜಾಲ್‌ಡ್ ಕಾರ್‌ನ್ ರಿವರ್ಸ್ ದೆತ್ತೊಂದುಪ್ಪುನಗ ಆಣ್ ಒರಿ ಆಕಸ್ಮಿಕವಾದ್ ಕಾರ್‌ದಡಿಕ್ ಬೂರ್ದ್ ಜೂವ ಕಲೆವೊಂದಿನ ನಡಕೆ ಬೊಲ್ತೇರ್ ತಾಲೂಕ್‌ದ ಕೊಕ್ಕಡ ಗ್ರಾಮೊದ ಮಲ್ಲಿಗೆಮಜಲ್ ಪನ್ಪಿನವುಲು ನಡತ್‌ದ್ಂಡ್.
ತೀರ್ದಿನ ಆಣನ್ ಮಲ್ಲಿಗೆಮಜಲ್ ನಿವಾಸಿ ಅಬ್ದುಲ್ ಹಮೀದ್ ಪನ್ಪಿನಾರೆನ ಮಗೆ ನವಾಫ್ ಇಸ್ಮಾಯಿಲ್ ಪಂದ್ ತೆರಿದ್ ಬೈದ್ಂಡ್. ನವಾಫ್ ಆತೂರ್‌ದ ಆಯಿಷಾ ಸ್ಕೂಲ್‌ಡ್ 4ನೇ ಕ್ಲಾಸ್ ಓದೊಂದಿತ್ತೆ. ಇಲ್ಲಗ್ ಬತ್ತಿನ ಬಿನ್ನೆ ಒರಿ ಇಲ್ಲಜಾಲ್‌ಡ್ ಇತ್ತಿನ ಕಾರ್‌ನ್ ರಿವರ್ಸ್ ದೆಪ್ಪುನಗ ಕಾರ್‌ದ ಪಿರವು ಉಂತುದಿತ್ತಿನ ನವಾಫ್‌ನ ಮಿತ್ತ್‌ಡೇ ಕಾರ್ ಪೋತುಂಡು. ಈ ಪೊರ್ತುಡು ತರೆ ಬೊಕ್ಕ ಕಾರ್‌ಗ್ ಗಾತಿದ ಗಡಿಕುಲಾದಿತ್ತ್‌ದ್, ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಮರ್ದ್ ಪಲಿಪಂದೆ ತೀರ್ದೆ. ನವಾಫ್ ಕಾರ್‌ದ ಪಿರವುಡು ಇತ್ತಿನ ತೆರಿಯಂದೆ ಈ ನಡಕೆ ನಡತ್‌ದ್ಂಡ್ ಪಂದ್ ತೆರಿದ್ ಬೈದ್ಂಡ್. ಕುಡುಮ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.