Last updated on October 2nd, 2024 at 08:13 pm
ಬೆಂಗಳೂರು: ಗಾಂಧಿ ಜಯಂತಿ ಲೆಕ್ಕೊಡು ಇನಿ ಸಿಎಂ ಸಿದ್ದರಾಮಯ್ಯೆರ್ ಬೆಂಗಳೂರುದ ಗಾಂಧಿ ಭವನೊಡು ಧ್ವಜಾರೋಹಣ ಬೊಕ್ಕ ಗಾಂಧಿನ ಒರುಕು ಪೂಮಾಲೆ ಪಾಡ್ಯೆರ್. ಅವೆಕ್ ದುಂಬು ಸಿಎಂ ಸಿದ್ದರಾಮಯ್ಯೆರ್ ಶೂ ಬಿಚ್ಚಾನಗ ಕಾರ್ಯಕರ್ತೆ ಒರಿ ಸಿಎಂನ ಕಾರ್‌ದ ಶೂ ಬಿಚ್ಚಾಯೆರೆ ಸಕಾಯ ಮಲ್ದಿನ ಚರ್ಚೆಗ್ ನೆವನ ಆತ್ಂಡ್.
ಧ್ವಜಾರೋಹಣಗ್ ದುಂಬು ಸಿಎಂ ಸಿದ್ದರಾಮಯ್ಯೆರ್ ಶೂ ಬಿಚ್ಚಾಯೆರ ಪೋನಗ ಆರೆಗ್ ಬಗ್ಗ್‌ದ್ ಲೇಸ್ ಬಿಚ್ಚಾಯೆರೆ ಆತಿಜಿ. ಉಂದೆನ್ ತೂದು ಕಾರ್ಯಕರ್ತೆ ಒರಿ ಸಿದ್ದರಾಮಯ್ಯೆರೆನ ಶೂ ಲೇಸ್ ಬಿಚ್ಚಾಯೆರೆ ಸಕಾಯ ಮಲ್ದೆರ್. ಆಂಡ ಕೈಟ್ ಭಾರತೊದ ಬಾವುಟ ಇತ್ತಿನೆನ್ ಆರ್ ಮದತೇ ಬುಡ್ತಿತ್ತೆರ್, ಉಂದೆನ್ ತೂದು ಬರಿಟಿತ್ತಿನಾಯೆ ಒರಿ ಅಪಗನೇ ಕಾರ್ಯಕರ್ತನ ಕೈಟಿತ್ತಿನ ರಾಷ್ಟಧ್ವಜೊನು ಒಯ್ತ್‌ದ್ ದೆತೊಂದಿನ ವಿಡಿಯೋಡ್ ಕೈದಾತ್ಂಡ್. ಶೂ ಲೇಸ್ ಬಿಚ್ಚಾನಗ ಬಾವುಟ ಕಾರ್‌ಗ್ ತಾಗುನೆನ್ ವಿಡಿಯೋಡ್ ತೂವೊಲಿ. ಕಾರ್ಯಕರ್ತೆ ಶೂ ಲೇಸ್ ಬಿಚ್ಚಾನಗ ಕೈಟ್ ತ್ರಿವರ್ಣ ಧ್ವಜ ಪತೊಂದು ಶೂ ಲೇಸ್ ಬಿಚ್ಚಾದಿನ ಇತ್ತೆ ಭಾರೀ ಚರ್ಚೆಗ್ ನೆವನ ಆತ್ಂಡ್.