Last updated on October 4th, 2024 at 02:55 pm
ಕುಡ್ಲ: ತೇದಿ: 09-10-2024 ತಾನಿ ಕಾಂಡೆ 11-00 ಗಂಟೆರ್ದ್ ಮುಲ್ಕಿ ತಾಲೂಕ್‌ದ ಮುಲ್ಕಿ ನಗರ ಪಂಚಾಯತ್‌ದ ಕೈತಲ್ ಬಂಟೆರೆ ಭವನೊಡು ‘ಲೋಕಾಯುಕ್ತ ಜನ ಸಂಪರ್ಕ ಸಭೆ’ತ ಅಟ್ಟನೆ ಆತ್ಂಡ್.
ಕುಡ್ಲ ಲೋಕಾಯುಕ್ತ ವಿಭಾಗೊದ ಪೊಲೀಸ್ ಅಧೀಕ್ಷಕೆರ್, ಪೊಲೀಸ್ ಉಪಾಧೀಕ್ಷಕೆರ್ ಅಂಚೆನೇ ಪೊಲೀಸ್ ನಿರೀಕ್ಷಕೆರ್ ಆನಿ ಬತ್ತ್‌ದ್ ಕರ್ನಾಟಕ ಲೋಕಾಯುಕ್ತ ಕಾಯಿದೆದಡಿಟ್ ಒಯಿಲ್ ಬರೆಪುನ ಫಾರ್ಮ್‌ಲೆನ್ ಕೊರ್ದು, ಭರ್ತಿ ಮಲ್ತ್‌ದ್, ಅಫಿಡವಿಟ್ ಮಲ್ದಿನ ಒಯಿಲ್‌ದ ಅರ್ಜಿಲೆನ್ ಸ್ವೀಕರಿಪುವೆರ್. ಸರ್ಕಾರಿ ಕಛೇರಿಲೆಡ್ ಅಧಿಕೃತ ಬೇಲೆಲೆನ್ ಬೋಡೂಂದೆ ಕಡೆಸಾವೊಂದು ಅಂಚೆನೇ ಇಜ್ಜಂದಿನ ತಲೆಪುಲೆನ್ ಪತಬರ್ಪಿನ ಸರಕಾರಿ ಅಧಿಕಾರಿ/ನೌಕರೆರೆ ಮಿತ್ತ್ ಸಾರ್ವಜನಿಕೆಎರ್ (ಒಯಿಲ್)ದೂರು ಕೊರೊಲಿ. ಸಾರ್ವಜನಿಕೆರ್ ಈ ಸಂದರಪ್ಪುನು ಎಡ್ಡೆ ರೀತಿಡ್ ಗಲಸೊನೊಡು ಪಂದ್ ಇಲಾಖೆರ್ದ್ ಕೇನೊಂದೆರ್.
ಆನಿ ಮಾತ್ರ ಅತ್ತಂದೆ ಬೇತೆ ದಿನೊತ ಕಛೇರಿ ಪೊರ್ತುಡುಲಾ ಸಾರ್ವಜನಿಕೆರ್ ತನ್ಕುಲೆ ಒಯಿಲ್‌ಲೆನ್ ಕೊರೊಲಿ ಅತ್ತ್ಂಡ ಫೋನ್ ಮಲ್ಪೊಲಿ. ಸಾರ್ವಜನಿಕೆರ್ ಉಂದೆನ್ ಎಡ್ಡೆ ರೀತಿಡ್ ಗಲಸೊನೊಡು ಪಂದ್ ಇಲಾಖೆರ್ದ್ ಕೇನೊಂದೆರ್.
ಅರ್ಜಿದಾರೆರ್ ಫಾರ್ಮ್ 1 & II ಭರ್ತಿ ಮಲ್ತ್‌ದ್ ಅಫಿಡವಿಟ್ ಮಲ್ತ್‌ದ್ ಸಂದಾದಿನ ಅರ್ಜಿಲೆನ್ ಈ ಕಛೇರಿಗ್ ಅತ್ತ್ಂಡ ಸೀದಾ ಮಾನ್ಯ ನಿಬಂಧಕೆರ್, ಕರ್ನಾಟಕ ಲೋಕಾಯುಕ್ತ, ಬಿಲ್ಡಿಂಗ್, ಡಾ/ಬಿ.ಆರ್. ಅಂಬೇಡ್ಕರ್ ರೋಡ್, ಬೆಂಗಳೂರು-560001 ಇಡೆಗ್ ಕೊರೊಲಿ.