Last updated on October 5th, 2024 at 12:11 pm
ಉಬಾರ್: ಕರೆಂಟ್ ಶಾಕ್ ಆಕ್‌ದ್ ಆಂಜೊವು ಒರಿ ತೀರ್ದಿನ ನಡಕೆ ಕಡಬ ತಾಲೂಕ್‌ದ ಕೊೖಲ ಗ್ರಾಮೊದ ಉರೆಕಡಮ ಪನ್ಪಿನಲ್ಪ ಅ. 4ತಾನಿ ಬಯ್ಯಡ್ ನಡತ್‌ದ್ಂಡ್.
ಉರೆಕಡಮ ಕೆರೆಂತೆಲ್ ನಿವಾಸಿ ಬಾಬು ಮುಗೇರೆ(58 ವ.) ತೀರ್ದಿನಾರ್. ಬಾಬು ಮುಗೇರೆರ್ ಬಯ್ಯಡ್ ಇಲ್ಲಡ್ ಟಾರ್ಚ್ ಲೈಟ್‌ನ್ ಚಾರ್ಜ್‌ಗ್ ದೀವೊಂದುಪ್ಪುನಗ ಆರೆಗ್ ಕರೆಂಟ್ ಶಾಕ್ ಆಕ್‌ದ್ಂಡ್ ಪಂದ್ ವರದಿ ಆತ್ಂಡ್.
ಅಪಗನೇ ಆರೆನ್ ಪುತ್ತೂರುದ ಆಸ್ಪತ್ರೆಗ್ ದಾಕಲ್ತ್‌ಕಡಲಾ ಮರ್ದ್ ಪಲಿಪಂದೆ ತೀರ್ದೆರ್. ಮೇರ್ ಸುಮಾರ್ ಒಂಜಿ ವರ್ಸೊರ್ದಿಂಚಿ ಉಸಾರಿಜ್ಜಂದೆ ಇತ್ತ್‌ದ್ ಇಂಚಿಪ ಒಂಜಿ ತಿಂಗೊಲುರ್ದಿಂಚಿ ಲಕ್ಕ್‌ದ್ ನಡಪೆರ ಸುರು ಮಲ್ತಿತ್ತೆರ್. ಮೇರ್ ಬೊಡೆದಿ, ಮಗೆ, ಮಗಲೆನ್ ಅಗತ್‌ದೆರ್.