Last updated on October 6th, 2024 at 10:01 am
ಕುಡ್ಲ: ಕುಡ್ಲ ದಸರಾ ಮೆರವಣಿಗೆದಾನಿ ಟ್ರಾಫಿಕ್ ಜಾಮ್ ತಪ್ಪಾವೆರೆ ಪೇಂಟೆಡ್ ಗಾಡಿಲು ಪೋವರೆ ಪಗತೆದ ಸಾದಿ ಗಲಸೆರೆ ಕುಡ್ಲ ಪೋಲೀಸೆರ್ ಸೂಚನೆ ಕೊರ್ತೆರ್.
ಅ.13ತಾನಿ ಬಯ್ಯ 4ಕ್ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಲ್ಯೊರ್ದು ನವದುರ್ಗೆನಕುಲು, ಶಾರದೆ, ಗಣಪತಿ ಶೋಭಾಯಾತ್ರೆ ನಡಪರೆ ಇತ್ತ್‌ದ್ ಸಾರಗಟ್ಲೆ ಜನ ಈ ಶೋಭಾಯಾತ್ರೆಡ್ ಪಾಲ್‌ಪಡೆಪೆರ್. ಅಂಚಾದ್ ಅ.13ತ ಮಧ್ಯಾಹ್ನ 2ರ್ದ್ ಅ.14ತ ಕಾಂಡೆ 6 ಗಂಟೆ ಮುಟ್ಟ ಸಾರ್ವಜನಿಕೆರೆ ಸುರಕ್ಷತೆ ಬೊಕ್ಕ ಟ್ರಾಫಿಕ್ ಕಂಟ್ರೋಲ್‌ದ ದಿಟ್ಟಿಡ್ ಮಣ್ಣಗುಡ್ಡೆ ಬ್ರಹ್ಮಶ್ರೀ ನಾರಾಯಣಗುರು ಸರ್ಕಲ್-ಲಾಲ್‌ಬಾಗ್-ಪಿವಿಎಸ್-ನವ ಭಾರತ್ ಸರ್ಕಲ್- ಕೆಎಸ್‌ಆರ್ ರೋಡ್-ಕೆ.ಬಿ. ಕಟ್ಟೆ ಸರ್ಕಲ್-ಓಂ ಮಹಲ್ ಜಂಕ್ಷನ್-ಗಣಪತಿ ಹೈಸ್ಕೂಲ್ ರೋಡ್-ಮೋಹಿನಿ ವಿಲಾಸ, ಕಾರ್‌ಸ್ಟ್ರೀಟ್-ಲೋವರ್ ಕಾರ್‌ಸ್ಟ್ರೀಟ್-ನ್ಯೂಚಿತ್ರಾ-ಅಳಕೆ-ಕುದ್ರೋಳಿ ದೇವಲ್ಯದಡೆ ಮುಟ್ಟದ ತಾದಿಬರಿಟ್ ಪಾರ್ಕಿಂಗ್ ಅಂಚೆನೇ ಸಂಚಾರೊಡು ತಾತ್ಕಾಲಿಕವಾದ್ ಪಗತೆಲೆನ್ ಕನತ್‌ದ್ ಪೊಲೀಸ್ ಆಯುಕ್ತೆ ಅನುಪಮ್ ಅಗ್ರವಾಲ್ ಆದೇಶ ಕೊರ್ತೆರ್.