ಕುಡ್ಲ ದಸರಾ : ಇನಿ ವೈಭವದ ಶೋಭಾಯಾತ್ರೆ

Last updated on October 13th, 2024 at 09:41 am

ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಲ್ಯೊಡು ನಡಪುನ ಕುಡ್ಲ ದಸರದ ಬೃಹತ್ ಶೋಭಾಯಾತ್ರೆ ಅಕ್ಟೋಬರ್ 13ತ್ತಾನಿ ಬಯ್ಯ 4 ಗಂಟೆಗೆ ತೊಡಂಗ್‌ದ್ ಅಕ್ಟೋಬರ್ 14ತ್ತ ಪುಲ್ಯಕಾಂಡೆ ಶಾರದೆನ್ ಜಲಸ್ತಂಭನ ಮಲ್ತಿನೇ ಪಿರಿಯುಂಡು.

ಕುದ್ರೋಳಿ ಕ್ಷೇತ್ರದ ಬುಲೆಚ್ಚಿಲ್‌ದ ರೂವಾರಿ ಜನಾರ್ಧನ ಪೂಜಾರ್ಲೆನ ನೇತೃತ್ವೊಡು ನಡಪುನ ಶೋಭಾಯಾತ್ರೆಗ್ ಲಕ್ಷಾಂತರ ಜನಕುಲು ಬರ್ಪಿನ ನಿರೀಕ್ಷೆ ಉಂಡು. ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರರ್ದ್ ಶ್ರೀ ಮಹಾಗಣಪತಿ, ನವದುರ್ಗೆಲೆನ ಅಂಚೆನೆ ಶಾರದಾ ಅಪ್ಪೆನ ವರ್ಣರಂಜಿತ ಬೃಹತ್‌ ದಸರಾ ಶೋಭಾಯಾತ್ರೆ, ಅತ್ಯಾಕರ್ಷಕ ವಿದ್ಯುದ್ದೀಪಾಲಂಕೃತ ಮಂಟಪದೊಟ್ಟುಗು ಪಿದಡರೆ ಉಂಡು. ಶೋಭಾಯಾತ್ರೆಡ್ ಪಾಕ ಸ್ತಬ್ಧಚಿತ್ರೊಲು, ರಾಜ್ಯದ ಬೇತೆ ಬೇತೆ ಕೋಂಟುಲೆರಿದ್ ಬೈದಿನ ಕಲಾತಂಡೊಲು, ಪಿಲಿಏಸ ಬೊಕ್ಕ ಬೇತೆ ಏಸೊಲು, ಚೆಂಡೆ ತಂಡೊಲು ಇಂಚ ಪೂರಾ ಉಪ್ಪುಂಡು.