Last updated on October 15th, 2024 at 03:34 pm
ಕುಡ್ಲ: ಕುಡ್ಲಡ್ ಒಂಜಿ ಹೈ ಕೋರ್ಟ್ ಪೀಠ ಉಂಡು ಮನ್ಪೆರೆ ಬೋಡಾದ್ ಸಂಘಟಿತ ಪೊರ್ಮ್ಬಾಟ ಮನ್ಪೆರೆಗಾದ್ ಕೋರ್ ಕಮಿಟಿ ಒಂಜೆನ್ ಮಲ್ದ್ಂಡ್.
ಕುಡ್ಲದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕಾನೂನು ಕಾಲೇಜಿಡ್ ಸೋಮಾರ ನಡತಿನ ಹೈಕೋರ್ಟ್ ಪೀಠ ಪೊರ್ಮ್ಬಾಟ ಸಮಿತಿದ ಇನಯೊಡು ನದುಕೆರೆ ಪಾತೆರದ ಲೆಕ ಈ ನಿರ್ಣಯ ಗೆತೊಂದೆರ್.
‘ಕೋರ್ ಕಮಿಟಿಡ್ ಕುಡ್ಲ ವಕೀಲೆರೆ ಸಂಘೊದ ಪ್ರಮುಖೆರ್ ಅಂಚೆನೇ ಕುಡ್ಲ ಜಿಲ್ಲೆದ ಬೇತೆ ಬೇತೆ ತಾಲ್ಲೂಕ್‌ಲೆನ ವಕೀಲೆರೆ ಸಂಘೊದ ಅಧ್ಯಕ್ಷೆರ್, ಕಾರ್ಯಂತೆರ್ ಪದುಕೆರಾಯೆರ ಉಲ್ಲೆರ್. ಹೈಕೋರ್ಟ್ ಪೀಠ ತಾಪನೆಗ್ ನಡಪುನ ಪೊರ್ಮ್ಬಾಟೊದ ಮನ್ವಯಗ್ ಈ ಕೋರ್ ಕಮಿಟಿ ಬೆನ್ಪುಂಡು’ ಪಂದ್ ಕುಡ್ಲ ವಕೀಲೆರೆ ಸಂಘೊದ ಅಧ್ಯಕ್ಷೆ ರಾಘವೇಂದ್ರ ಎಚ್.ವಿ. ತೆರಿಪಾಯೆರ್.
‘ಈ ಪೊರ್ಮ್ಬಾಟೊಗು ಮಡಿಕೇರಿ ಅಂಚೆನೇ ಕಿನ್ಯಮಗಲ್ನೂರ್ ಜಿಲ್ಲೆದ ವಕೀಲೆರೆ ಸಂಘೊಲೆನ ಬೆರಿಬಲೊಲಾ ಬೋಡು. ಅಂಚಾದ್ ಆ ಜಿಲ್ಲೆಲೆಗ್ ನಿಯೋಗ ಪೋದು ಅಲ್ಪದ ವಕೀಲೆರೆ ಸಂಘೊದ ಪ್ರಮುಖೆರೆನ್ ಭೇಟಿಯಾಪ’ ಪಂದ್ ಪಂಡೆರ್.
ಕುಡ್ಲಡ್ ಹೈಕೋರ್ಟ್ ಪೀಠ ಉಂಡಾಂಡ ಬೇಡಿಕೆ ವಕೀಲೆರೆಗ್ ಮಾತ್ರ ಅತ್ತ್, ಹೈಕೋರ್ಟ್ ಪೀಠ ಮುಲ್ಪ ಉಂಡಾಂಡ ಮುಲ್ಪದ ಹೋಟೆಲ್ ಉದ್ಯಮ, ಟ್ಯಾಕ್ಸಿ, ಬಸ್‌ಲೆಗ್ಲಾ ಅನುಕೂಲ ಆಪುಂಡು. ಅಂಚಾದ್ ವಕೀಲೆರ್ ಮಾತ್ರ ಪೊರ್ಮ್ಬಾಟ ಮಲ್ತ್ಂಡ ಯಾರಂದ್. ಸಮಾಜೊದ ಮುಖ್ಯವಾಹಿನಿಡುಪ್ಪುನ ಬೇತೆ ಕ್ಷೇತ್ರೊಲೆನ ಸಂಘ ಸಂಸ್ಥೆಲೆನ ತಾಂಗ್ ಗೆತೊನ್ನ ಮಕೇನ ಉಂದೆನ್ ಸಾರ್ವಜನಿಕ ಪೊರ್ಮ್ಬಾಟ ಆದ್ ಮಲ್ಪೊಡು’ ಪಂದ್ ವಕೀಲೆರೆ ಕೂಟ ಪಂಡ್ಂಡ್.