Last updated on October 18th, 2024 at 09:06 am
ಕುಡ್ಲ: ಪರ್ಬದ ಪೊರ್ತುಡು ಪ್ರಯಾಣಿಕೆರೆ ರಷ್‌ನ್ ಕಮ್ಮಿ ಮನ್ಪುನ ದಿಟ್ಟಿಡ್ ಯಶವಂತಪುರ – ಕುಡ್ಲ ಜಂಕ್ಷನ್‌- ಯಶವಂತಪುರ ನಡುಟು ವಿಶೇಷ ರೈಲ್ ಬಲಿಪಾಯೆರ ನೈಋತ್ಯ ರೈಲ್ವೇ ನಿರ್ಧರಿತಿತ್ತ್‌ದ್, ಅ.30 ಬೊಕ್ಕ 31ತಾನಿ ಈ ರೈಲ್‌ಲ್ ಬಲಿಪೆರೆ ಉಲ್ಲ.
ನಂ.06565 ಯಶವಂತಪುರ-ಕುಡ್ಲ ಜಂಕ್ಷನ್‌ ವಿಶೇಷ ರೈಲ್ ಅ.30ದಾನಿ ರಾತ್ರಿ 11.50ಕ್ ಯಶವಂತಪುರರ್ದ್ ಪಿದಡ್ದ್, ಅ.31ತಾನಿ ಮಧ್ಯಾಹ್ನ 11.45ಕ್ ಕುಡ್ಲ ಜಂಕ್ಷನ್‌ ಎತ್ತುಂಡು.
ನಂ.06566 ಮಂಗಳೂರು ಜಂಕ್ಷನ್‌ – ಯಶವಂತಪುರ ವಿಶೇಷ ರೈಲ್ ಅ.31ತಾನಿ ಮಧ್ಯಾಹ್ನ 1 ಗಂಟೆಗ್ ಕುಡ್ಲ ಜಂಕ್ಷನ್‌ರ್ದ್ ಪಿದಡ್ದ್, ರಾತ್ರೆ 9.45ಕ್ ಬೆಂಗಳೂರು ಎತ್ತುಂಡು.ಕುಣಿಗಲ್‌, ಚನ್ನರಾಯಪಟ್ಟಣ, ಹಾಸನ, ಸಕಲೇಶಪುರ, ಸುಬ್ರಹ್ಮಣ್ಯ ರೋಡ್‌, ಕಬಕ ಪುತ್ತೂರು, ಬಂಟ್ವಾಳ ಉಂತಡೆಲೆಡ್ ಉಂತುಂಡು. ರೈಲ್‌ಡ್ ಒಟ್ಟು 21 ಕೋಚ್ ಇಪ್ಪುಂಡು.
ರೈಲ್ವೇ ಪೊರ್ಮ್ಬಾಟಗಾರೆರ್ದ್ ಬೇಡಿಕೆ
ಕರಿನ ವರ್ಸ ಮಾರ್ನೆಮಿ, ಪರ್ಬದ ಪೊರ್ತುಡು ಕುಡ್ಲ – ಬೆಂಗಳೂರು – ಮೈಸೂರು ನಡುಟು ವಿಶೇಷ ರೈಲ್ ಬಲ್ತೊಂದಿತ್ತ್ಂಡ್. ಈ ಸರ್ತಿ ಮಾರ್ನೆಮಿಡ್ ನಂ.06569 ಯಶವಂತಪುರ – ಕಾರವಾರ ವಿಶೇಷ ಎಕ್ಸ್‌ಪ್ರೆಸ್‌ ರೈಲ್ ಬೊಕ್ಕ ನಂ. 06570 ಕಾರವಾರ – ಮೈಸೂರು ವಿಶೇಷ ಎಕ್ಸ್‌ಪ್ರೆಸ್‌ ರೈಲ್ ಪಡೀಲ್‌‌ಡೆ ಆದ್ ಪೋತ. ಅಂಚಾದ್ ಕುಡ್ಲಗ್ ಬರ್ಪಿನಕ್ಲೆಗ್ ಮಲ್ಲ ಪ್ರೇಜನ ಆತಿಜಿ. ಪರ್ಬಗಾಂಡಲಾ ಕುಡ್ಲ – ಬೆಂಗಳೂರು ನಡುಟು ಎಚ್ಚಿನ ರೈಲ್ ಬಲಿಪಡ್ ಪನ್ಪಿನ ರೈಲ್ವೇ ಪೊರ್ಮ್ಬಾಟಗಾರೆರೆ ಆಗ್ರಹ ಆದಿತ್ತ್ಂಡ್.
ವಿಶೇಷ ರೈಲ್‌ಗ್ ಬೇಡಿಕೆ ಎಚ್ಚಾಯಿನೆರ್ದಾವರ ಸಂಸದೆ ಕ್ಯಾ| ಬ್ರಿಜೇಶ್‌ ಚೌಟೆರ್ಲಾ ನೈಋತ್ಯ ರೈಲ್ವೇ ಮಹಾ ಪ್ರಬಂಧಕೆರೆಗ್ ಎಚ್ಚಿನ ರೈಲ್‌ಗ್ ಬೋಡಾದ್ ಓಲೆ ಬರೆದಿತ್ತೆರ್.