Last updated on October 23rd, 2024 at 11:08 am
ಒಡಿಪು: ಕರಿನ ರಡ್ಡ್ ವರ್ಸೊಡ್ ಜಿಲ್ಲೆಡ್ ಚಿಟ್ಟೆಪಿಲಿ ದಾಳಿಡ್ 122ರ್ದ್‌ಲಾ ಎಚ್ಚಿನ ಕೈಕಂಜಿಲು ಜೂವ ಕಲೆವೊಂದ. ಕೈಕಂಜಿಲೆನ ಮಿತ್ತ್ ಚಿಟ್ಟೆಪಿಲಿಕ್ಲೆನ ನಿರಂತರ ದಾಳಿ ರೈತೆರೆಡ ಪೋಡಿಗೆ ಉಂಡು ಮಲ್ದ್ಂಡ್ ಅಂಚೆನೇ ತನ್ಕುಲೆ ಕೈಕಂಜಿಲೆನ್ ಕಾಪುನವೇ ರೈತೆರೆಗ್ ಮಲ್ಲ ಮಂಡೆಬೆಚ್ಚ ಆತ್ಂಡ್.
ಕಾಡಮುರ್ಗೊಲೆ ದಾಳಿರ್ದ್ ಸೈತಿನ ಕೈಕಂಜಿಲೆಗ್ ಅರಣ್ಯ ಇಲಾಖೆರ್ದ್ ಈತ್ ಪಂಡ್‌ದ್ ಪರಿಹಾರ ಕೊರ್ಪೆರ್. ಕರಿನ ರಡ್ಡ್ ವರ್ಸೊಡು 19 ಲಕ್ಷ ರೂ. ಪರಿಹಾರ ರೈತೆರೆಗ್ ಕೊರ್ತುಂಡು.
ಜಿಲ್ಲೆದ ಕೆಲ ಗ್ರಾಮೊಲೆಡ್ ಚಿಟ್ಟೆಪಿಲಿಯ ದಾಳಿ ಪ್ರಕರಣ ದಿನೋಲ ವರದಿ ಆಪುಂಡು. ಕೃಷಿ ಭೂಮಿಲೆಗ್, ಕಿದೆಕ್ ಬತ್ತ್‌ದ್ ಕೈಕಂಜಿಲೆನ್ ಪತೊಂದು ಪೋಪಿನ ಚಿಟ್ಟೆಪಿಲಿಕುಲು ರೈತೆರೆ ಆದಾಯೊದ ಮೂಲೊಗೇ ಸಮಸ್ಯೆ ಕನತ್‌ದ. ಕೆಲ ಪ್ರದೇಶೊಲೆಡ್ ಜನೊಕುಲು ತನ್ಕುಲೆ ಕೈಕಂಜಿಲೆನ್ ಕಾಪೆರೆ ನಿದ್ರೆ ಕಜ್ಜೆರುನ ಸ್ಥಿತಿಲಾ ಉಂಡು. ಚಿಟ್ಟೆಪಿಲಿಕ್ಲೆನ ದಾಳಿನ್ ಉಂತಾಯೆರ ಪರಿಣಾಮಕಾರಿ ಕ್ರಮೊಕ್ಲೆನ್ ಗೆತೊನೊಡು ಪನ್ಪಿನ ಮುಲ್ಪದಕ್ಲೆನ ಆಗ್ರಹ ಆದುಂಡು.
ಪತ್ತೆರೆ ತಿಕ್ಕಿನ ಚಿಟ್ಟೆಪಿಲಿಕ್ಲೆನ್ ಬೇತೆ ಕಡೆಟ್ ಬುಡ್ಪಿನ ಕಾರ್ಯಾಚರಣೆ ಅರಣ್ಯ ಇಲಾಖೆ ಮಲ್ತೊಂದುಂಡು. ರೈತೆರೆಡ ಜಾಗೃತಿ ಪುಟ್ಟಾವುನ ಕಾರ್ಯಕ್ರಮೊಲೆನ್ಲಾ ಮಲ್ತೊಂದುಂಡು.